ភ្នំពេញ៖ បុរសម្នាក់សង្ស័យស្រវឹងខ្លាំងបើករថយន្តស៊េរីទំនើបម៉ាក ម៉ាស្តារ ក្នុងល្បឿនលឿនបានរេចង្កូតជ្រុលទៅបុករបាំងថ្មខណ្ឌចែកទ្រូងផ្លូវនៅមុខវត្តតាំងកសាង បណ្ដាលឱ្យវៀចចំនួន១ ផ្ទាំង ឯរថយន្តខូចខាតផ្នែកខាងមុខបែកម៉ាស៊ីនហូរប្រេងទៅមុខលែងរួច។
ហេតុការណ៍នេះកើតឡើងកាលពីវេលាម៉ោង០១ រំលងអាធ្រាត្រឈានចូលថ្ងៃទី២៩ ខែកក្កដាឆ្នាំ២០២១ នៅចំណុចមុខវត្តតាំងកសាង តាមបណ្តោយផ្លូវបេតុងក្នុងសង្កាត់កាកាបទី១ ខណ្ឌពោធិសែនជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តស៊េរីទំនើបម៉ាកម៉ាកម៉ាស្ដារ ពណ៌ស ពាក់ស្លាកលេខភ្នំពេញ2AY-4669 ធ្វើដំណើរទិសដៅពីក្បូងទៅជើងក្នុងល្បឿនលុះដល់ចំណុចមុខវត្តតាំងកសាង ចំណុចកើតហេតុ បានរេចង្កូតទៅបុករបាំងថ្មខណ្ឌចែកទ្រូងផ្លូវពេញទំហឹងបណ្ដាលឲ្យវៀចចំនួន១ផ្ទាំង ឯរថយន្តខូចខាតផ្នែកខាងមុខយ៉ាងដំណំ បែកម៉ាស៊ីនហូប្រេងទៅមុខលែងរួច។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ ដោយពិនិត្យឃើញមិនមានរងការខូចខាតធ្ងន់ធ្ងរនោះទេទើបសមត្ថកិច្ច ឲ្យម្ចាស់រថយន្តយករថយន្តទៅជួសជុលដោយខ្លួនឯង៕
ដោយ៖ សុខាសែនជ័យ
