ភ្នំពេញ ៖ បុរសម្នាក់បេីករថយន្តLEXUS RX450hក្នុងល្បឿនលឿន និងមិនប្រយ័ត្នបានជ្រុលទៅបុកខឿនផ្លូវហេីយផ្លោងទម្លុះជញ្ជាំងផ្ទះប្រជាពលរដ្ឋបន្ថែមទៀតរងការខូចខាតយ៉ាងដំណំ ។ហេតុការណ៍នេះបានកេីតឡេីងកាលពីវេលាម៉ោង១១ និង១០នាទីយប់ថ្ងៃទី២៩ ខែកក្កដា ឆ្នាំ២០២១ នៅចំណុចគល់ស្ពានដែកបាឡេ តាមបណ្ដោយផ្លូវជាតិលេខ៥ ក្នុងសង្កាត់ឬស្សីកែវ ខណ្ឌឫស្សីកែវ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុនោះគឺ មានបុរសម្នាក់បេីករថយន្តបង្កម៉ាក LEXUS RX450h ពណ៌ស្ក ពាក់ស្លាកលេខភ្នំពេញ 2AG-9878 ធ្វេីដំណេីរតាមបណ្ដោយផ្លូវជាតិលេខ៥ ទិសដៅពីត្បូងមកជេីងក្នុងល្បឿនលឿន ខណៈមកដល់ចំណុចកេីតហេតុទំនងអ្នកបេីកបរមានបំណងចង់ឡេីងលេីស្ពានដែកបាឡេ ក៏កាច់ចង្កូតមកស្ដាំដៃតែមិនទាន់ ទេីបជ្រុលទៅបុកខឿនផ្លូវនិងផ្លោងបុកទម្លុះជញ្ចាំងផ្ទះប្រជាពលរដ្ឋបន្ថែមទៀតបណ្ដាលឲ្យរងការខូចខាតយ៉ាងដំណំ តែក្នុងករណីនេះមិនបណ្ដាលឲ្យមនុស្សណាម្នាក់រងរបួសនោះទេ ។
ក្រោយកេីតហេតុ សមត្ថកិច្ចមូលដ្ឋាន និងផ្នែកជំនាញចរាចរណ៍ខណ្ឌឫស្សីកែវបានចុះមកដល់ តែពិនិត្យឃេីញថា រថយន្តបង្កខាងលេីនេះមិនបានធ្វេីឲ្យខូចខាតសម្បត្តិរដ្ឋ ទេីបឲ្យម្ចាស់រថយន្តដោះស្រាយគ្នាជាមួយម្ចាស់ផ្ទះនិងម្ចាស់ក្រុមហ៊ុនខឿនផ្លូវ ដេីម្បីបញ្ចប់រឿងនៅកន្លែងតែម្ដង ៕
ដោយ ៖ ភារ៉ា ដង្កោ
