ខ្សែការពារ Giorgio Chiellini របស់ក្រុម Juventus បានចុះហត្ថលេខាលើកិច្ចសន្យាថ្មីរយៈពេល២ឆ្នាំដែលនឹងពង្រីកអាជីពរបស់គាត់ជាមួយក្រុមមានមូលដ្ឋាននៅទីក្រុង Turin ដល់១៨ឆ្នាំ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី៣ ខែសីហានេះ ។

កិច្ចសន្យាថ្មីរបស់ Chiellini ដែលបន្តរហូតដល់រដូវក្តៅឆ្នាំ២០២៣ នឹងឃើញគាត់លេងឲ្យ Juventus លើសពីថ្ងៃកំណើតទី៣៨ឆ្នាំ។ កីឡាករវ័យ៣៦ឆ្នាំរូបនេះអស់កិច្ចសន្យានៅពេលដែលរូបគេបានដឹកនាំក្រុមជម្រើសជាតិអ៊ីតាលីឈ្នះពានរង្វាន់ជើងឯកអឺរ៉ុបកាលពីខែកក្កដា។

ក្លិប Juventus បានសរសេរនៅក្នុងសេចក្តីថ្លែងការណ៍មួយថា “គាត់គឺជាផ្នែកមួយដ៏ធំនៃប្រវត្តិសាស្ត្ររបស់ Juventus ប៉ុន្តែបច្ចុប្បន្ននិងអនាគតផងដែរ។

 

Chiellini បានឈ្នះពានរង្វាន់ធំៗចំនួន១៤ក្នុងរយៈពេល១៦ឆ្នាំជាមួយ Juventus រួមទាំងពានរង្វាន់លីគអ៊ីតាលីចំនួន៩ដងជាប់ៗគ្នារវាងឆ្នាំ២០១១-២០១២ និង ២០១៩-២០២០។ គាត់ក៏ជាផ្នែកមួយនៃក្រុមសេះបង្កង់ Juventus ដែលបានឈ្នះការវិលត្រឡប់ទៅកាន់ក្របខ័ណ្ឌកំពូលរបស់អ៊ីតាលីវិញក្នុងឆ្នាំ ២០០៦-២០០៧ បន្ទាប់ពីត្រូវបានកាត់ចោលទៅ Serie B ផងដែរ។

 

នៅក្នុងសេចក្តីថ្លែងការណ៍ដែលបានប្រកាសពីកិច្ចព្រមព្រៀងថ្មីរបស់គាត់ ក្លិប Juventus បានប្រើឈ្មោះរបស់ Chiellini ដើម្បីបញ្ជាក់ថា គាត់មានសារៈសំខាន់ចំពោះក្លិប។ ក្លិបបានបន្ថែមថា Giorgio Chiellini តំណាងឱ្យអ្វីគ្រប់យ៉ាងដែល Juventus ឈរហើយវាគឺតាមរយៈការប្តេជ្ញាចិត្ត និងការបង្ហាញដ៏ល្អរបស់គាត់ក្នុងរយៈពេល១៦ឆ្នាំចុងក្រោយដែលធ្វើឱ្យគាត់បន្តកិច្ចសន្យា ៕ (រូបភាព ៖ BBC Sport) ដោយ៖ភារៈ