ភ្នំពេញ៖ នៅយប់ថ្ងៃទី០៦ ខែសីហា ឆ្នាំ២០២១ វេលាម៉ោង២១និង០០នាទីគណ:បញ្ជាការឯកភាពរដ្ឋបាលខណ្ឌសែនសុខ ដឹកនាំដោយលោក ម៉ូវ ម៉ានិត អភិបាលខណ្ឌសែនសុខ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ និងលោកមេបញ្ជាការរងកងរាជអាវុធហត្ថខណ្ឌ បានអញ្ជេីញចុះត្រួតពិនិត្យកម្លាំង តាមគោលដៅកំពុងអនុវត្តវិធានការបម្រាបគោចរ ក្នុងមូលដា្ឋនខណ្ឌសែសុខ។
យោងតាមសារាចរណែនាំរបស់សាលារាជធានីភ្នំពេញលេខ ០៤ សរ ចុះថ្ងៃទី២៨ ខែកក្កដា ឆ្នាំ២០២១ ស្តីពីការដាក់ចេញយុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩។ និងបានសម្រេចដាក់ចេញបម្រាមគោរចរ រយ:ពេល១៤ថ្ងៃ ដើម្បីទប់ស្កាត់ការរីករាលដាលជម្ងឺកូវីដ១៩។ គឺចាប់ពីម៉ោង២១និង០០នាទីដល់ម៉ោង៣ទៀបភ្លឺ។លោកអភិបាលខណ្ឌក៏បានសំណោមពរសូមអោយបងប្អូនប្រជាពលរដ្ឋទាំងអស់ត្រូវចូលរួមអនុវត្តវិធានការសុវត្ថិភាពផ្នែកសុខាភិបាលឱ្យបានម៉ឺងម៉ាត់ ៣កុំ ៣ការពារ ដើម្បីទប់ស្កាត់ការពារការរីករាលដាល នៃជំងឺកូវីដ-១៩៕
ដោយ៖ ចន្ទ លីហ្សា
