ពោធិ៍សាត់៖ ស្រូវវស្សាដែលរងផលប៉ះពាល់ដោយគ្រោះរាំងស្ងួត ចំនួន ២០០ហិកតា ស្ថិតនៅចំណុចភូមិកោះ និងភូមិវាល សង្កាត់លលកសរ ក្រុងពោធិ៍សាត់ ត្រូវបានសង្គ្រោះជាបន្តបន្ទាប់ និងមានសភាពធូរស្រាលច្រើន បន្ទាប់ពីក្រុមការងារមន្ទីរធនធានទឹកខេត្ត បានបើកប្រតិបត្តិការចុះជួយអន្តរាគមន៍បូមទឹកសង្គ្រោះ ជាងមួយសប្តាហ៍កន្លងមកនេះ។ នៅក្នុងកិច្ចការងារអន្តរាគមន៍សង្គ្រោះស្រូវខាងលើ គឺមន្ទីរបានប្រើប្រាស់ម៉ាស៊ីនប្រភេទ ៦៥សេស ចំនួន ០២គ្រឿង ដោយធ្វើការបូមពីស្ទឹងពោធិ៍សាត់ ដើម្បីយកទឹកមកស្រោចស្រពស្រូវជូនបងប្អូនប្រជាកសិករនៅតំបន់នេះ។