ភ្នំពេញ, នាព្រឹកថ្ងៃព្រហស្បត្តិ៍ ទី១២ ខែសីហា ឆ្នាំ២០២១ លោក ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា បានអញ្ជើញចូលរួមកិច្ចប្រជុំបូកសរុបលទ្ធផលការងាររបស់គណៈកម្មាធិការជំនាញនានារបស់ក្រុមសភាជាតិ-អាយប៉ាកម្ពុជា ដើម្បីត្រៀមចូលរួមមហាសន្និបាតអន្តរសភាអាស៊ាន (AIPA) លើកទី៤២ និងទទួលធ្វើជាម្ចាស់ផ្ទះមហាសន្និបាតអន្តរសភាអាស៊ានលើកទី៤៣ ក្រោមអធិបតីភាព លោកកិត្តិសេដ្ឋាបណ្ឌិត ជាម យៀប ប្រធានគណៈកម្មការទី២ រដ្ឋសភា និងជាប្រធានក្រុមសភាជាតិ-អាយប៉ាកម្ពុជា តាមប្រព័ន្ធនិម្មិត (Online) ដែលមានរបៀបវារៈចំនួន ៣ គឺ:
ទី១.របាយការណ៍វឌ្ឍនភាពរបស់គណៈកម្មាធិការជំនាញទាំង៦។
ទី២.ពិនិត្យ និងសម្រេចលើរបៀបវារៈរបស់មហាសន្និបាតអាយប៉ាលើកទី៤២ តាមសំណើរបស់ប្រធានអាយប៉ាលើកទី៤២។
ទី៣.បញ្ហាផ្សេងៗ។
ស្ថិតនៅសាលប្រជុំគណៈកម្មការទី១០ វិមានព្រឹទ្ធសភា ទទួលការផ្សាយចេញពីវិមានរដ្ឋសភា។

សូមបញ្ជាក់ថា នៅក្នុងកិច្ចប្រជុំនេះ ក៏មានការចូលរួមពីសំណាក់ លោក លោកស្រី ក្រុមសភាជាតិអាយប៉ា-កម្ពុជា ទីប្រឹក្សា ជំនួយការ និងមន្ត្រីជំនាញពាក់ព័ន្ធទាំងអស់ផងដែរ៕

ដោយ, សិលា