ក្រុមអ្នកស្រាវជ្រាវ អូស្ត្រាលីបានបញ្ចាក់ថា បំណែកយន្តហោះដែលបានរកឃើញនៅ Mozabique អាចជារបស់យន្តហោះ Boeing 777 របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ដែលបានបាត់ខ្លួនកាលពីជាងពីរឆ្នាំមុន ។
បំណែក យន្តហោះដែលលោកBlaine Gibson រកឃើញនៅMozabiqueនិងបំណែកដែលយុវជនអាហ្រិកខាងត្បូងរកឃើញកាលពីខែធ្នូឆ្នាំ២០១៥បានបញ្ចូនទៅឲ្យក្រុមឯកទេសស្រាវជ្រាវរបស់អូស្ត្រាលី ។
សារព័ត៌មានអូស្ត្រាលីបានដកស្រងសម្តីរដ្ឋមន្ត្រីក្រសួងចរាចណ៍អូស្តាលី Darren Chester កាលពីព្រឹកថ្ងៃទី២៤ ខែមីនា បានប្រកាសថា ក្រោយការត្រួតពិនិត្យជាមួយក្រុមឯកទេសម៉ាឡេស៊ីបង្ហាញឲ្យឃើញថាបំណែកទាំងនោះគឺជារបស់យន្តហោះMH370 ហើយយើងនិងបន្តស្វែងរកនៅមហាសមុទ្រឥណ្ឌាភាគខាងកើត។
លោកDarren Chester បញ្ចាក់ថា ពេលនេះយើងកំពុងធ្វើការត្រួតពិនិត្យឲ្យបានល្អិតល្អន់បំផុតដើម្បីបញ្ចាក់ថានោះជាបំណែកយន្តហោះម៉ាឡេស៊ីពិតប្រាកដិម៉ែន ។
លោកDarren Chesterបន្តទៀតថាយើងនៅសល់ផ្ទៃទឹក២៥០០០គីឡូម៉ែត្រក្រឡានៅមហាសមុទ្រឥណ្ឌាមិនទាន់បានរុករក ហើយយើងនិងបន្តស្វែងរកទីតាំងទាំងនោះឲ្យអស់ ។
យន្តហោះប៊ូអិន៧៧៧ របស់ក្រុមហ៊ុនអាកាសចរណ៍ម៉ាឡេស៊ីដឹកអ្នកដំណើរ២៣៩នាក់ បានបាត់ខ្លួនកាលពីថ្ងៃទី៨ ខែមីនា ពេលហោះហើរពីទីគូឡាឡំពួរ ទៅកាន់ទីក្រុងប៉េកាំង ។ ការរករកនៅក្រោមទឹកសមុទ្របាន ៩០ពាន់គីឡូម៉ែត្រក្រឡាហើយ មិនទាន់ឃើញមានតម្រុយអ្វីឡើយ។ ការរុករក និងត្រូវបញ្ចប់នៅខែកក្កដា ប្រសិនបើមិនឃើញអ្វីទេនោះ ៕ ម៉ែវ សាធី
