ភ្នំពេញ៖ សម្តេចចៅហ្វាវាំង គង់ សំអុល អនុប្រធានអចិន្ត្រៃយ៍ តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នៅរសៀលថ្ងៃទី២៥ ខែមីនា ឆ្នាំ២០១៦នេះ បានអញ្ជើញបើកកិច្ចប្រជុំគណៈកម្មាធិការកណ្តាលកាកបាទក្រហមកម្ពុជា ដើម្បីត្រៀមរៀបចំប្រារព្ធ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ខួបលើកទី១៥៣ នៅថ្ងៃទី៨ ខែឧសភា ឆ្នាំ២០១៦ខាងមុខ។

សម្តេចចៅហ្វាវាំង គង់ សំអុល បានជំរុញឱ្យអនុគណៈកម្មការ ទទួលផែននីមួយៗពន្លឿងការងារភារកិច្ចទទួលខុសត្រូវរបស់ខ្លួន ឱ្យបានម៉ឺនម៉ាត និងឱ្យសម្រេចបានតាមការគ្រោងទុក ដើម្បីឱ្យការប្រារព្ធទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ខួបលើកទី១៥៣ ឆ្នាំនេះទទួលបានលទ្ធផលល្អប្រសើរ៕ សុខ ខេមរា