ខេត្តស្វាយរៀង៖ សមត្ថកិច្ចនគរបាលក្រុងបាវិតបានឃាត់ខ្លួនជនសង្ស័យម្នាក់ពាក់ពន្ធ័ករណីលួចយកកាបូបលុយនៅចំណុចការ៉ាស់សាំងមួយកន្លែងស្ថិតនៅចំណុចក្នុងភូមិកំពោតជ្រូក សង្កាត់ព្រៃអង្គុញ ក្រុងបាវិត ខេត្តស្វាយរៀង ។
ការឃាត់ខ្លួននេះបានធ្វើឡើងនាវេលាម៉ោង៥ល្ងាចថ្ងៃទី២២ខែសីហាឆ្នាំ២០២១នៅចំណុចមណ្ឌលកំសាន្តក្រុងបាវិត។
សមត្ថកិច្ចនគរបាលក្រុងបាវិតបានអោយដឹងថាជនសង្ស័យមានឈ្មោះ ខឹម ឆវ័ន្ត អាយុ២៦ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិបុស្ស ឃំុស្វាយតាយាន ស្រុកំពង់រោទ៍ ខេត្តស្វាយរៀង។
និងបានដកហូតកាបូបលុយនោះមានលុយចំនួន២៣ម៉ឺន៥០០០រៀល ខ្សែកប្លាកទីនមួយយខ្សែទម្ងន់០៥ ជី និងទូរសព្ទដៃមួយគ្រឿងម៉ាកអូប៉ូនិងម៉ូតូមួយគ្រឿងដែលជិះធ្វើសកម្មភាពផងដែរ។
ប្រភពបន្តថានៅថ្ងៃទី២២ ខែសីហា ឆ្នាំ ២០២១ វេលាម៉ោង៤និង១០នាទី រសៀលប៉ុស្ដិនគរបាលរដ្ឋបាលសង្ព្កាត់ព្រៃអង្គុញ បានទទួលព័ត៌មានតាមរយៈទូរសព្ទ័ពីប្រជាពលរដ្ឋដែលរងគ្រោះមានឈ្មោះ ឡឹក ឈិន ភេទប្រុស អាយុ៦៣ឆ្នាំ ជនជាតិខ្មែរ មុខរបរម្ចាស់ការ៉ាស់សាំង ដែលបានរាយការណ៍មកថាមានករណីចោរលួចយកកាបូបលុយនៅចំណុចការ៉ាស់សាំងរបស់ខ្លួនស្ថិតក្នុងភូមិកំពោតជ្រូក សង្កាត់ព្រៃអង្គុញ ក្រុងបាវិត ខេត្តស្វាយរៀង រួចជិះគេចខ្លួនទៅទិសខាងកើតតែម្តង។
ក្រោយពីទទួលបានពត៌មាននេះភ្លាម សមត្ថកិច្ចនគរបាលក្រុងបាវិត សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ព្រៃអង្គុញបានពិនិត្យឃើញភិនភាគរបស់ជនសង្ស័យនិងស្លាកកលេខមធ្យោបាយម៉ូតូដែលជនសង្ស័យជិះធ្វើសកម្មភាពដូចខាងលើ រហូតមកដល់វេលាម៉ោង៥ល្ងាច ទើបកម្លាំងជំនាញអធិការដ្ឋាននគរបាលក្រុងបាវិត ក៏បានប្រទះឃើញមុខសញ្ញាសង្ស័យនិងភិនភាគម៉ូតូខាងលើនៅចំណុចមណ្ឌលកំសាន្តក្រុងបាវិត ទើបស្គាល់អត្តសញ្ញាណពិតរបស់ជនសង្ស័យឃាត់ខ្លួនមកសាកសួរតែម្ដង។
បច្ចុប្បន្នជនសង្ស័យត្រូវបានសមត្ថកិច្ចបញ្ជូនទៅការិយាល័យជំនាញនៃស្នងការដ្ឋាននគបាលខេត្តស្វាយរៀងដើម្បីចាត់ការបន្តតាមច្បាប់៕
ដោយ៖ យឹម សុថាន
