ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងនគរបាលនៃអធិការថានស្រុកឧដ្ដុង្គធ្វើការឃាត់ខ្លួនពាក់ព័ន្ធទៅនឹងករណីជួញដូរនិងប្រើប្រាស់គ្រឿងញៀន។
ហេតុការណ៍នេះបានកើតឡើងនៅវេលាម៉ោង១៥និង៣០នាទី ថ្ងៃព្រហស្បត៍ ៤រោច ខែស្រាពណ៍ ឆ្លូវ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៦ខែសីហា ឆ្នាំ២០២១ ស្ថិតនៅចំណុចខ្ទមទុកចោល ក្នុងភូមិវិហាខ្ពស់ ឃុំវាំងចាស់ ស្រុកឧដុង្គ ខេត្តកំពង់ស្ពឺ។
សង្ស័យឈ្មោះ ឈុំ វុទ្ធី ភេទប្រុស អាយុ៤១ឆ្នាំ រស់នៅភូមិចេតីយ៍ថ្មី ឃុំវិហាហ្លួង ស្រុកពញាឮ ខេត្តកណ្តាល ។ក្រោយការឃាត់ខ្លួនសមត្ថកិច្ចបានឆែកឆេររកឃើញម្សៅក្រាមពណ៌សសង្ស័យជាគ្រឿងញៀនចំនួន២កញ្ចប់(១ធំ ១តូច)ជញ្ជីងអេឡិចត្រូចនិចសំរាប់ថ្លឹងគ្រឿងញៀនចំនួន១គ្រឿង និង ទូរស័ព្ទដៃចំនួន១គ្រឿង។
បច្ចុប្បន្នជនសង្ស័យត្រូវបានឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកឧដ្ដុង្គដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕
ដោយ៖ ស សម
