ខេត្តព្រះសីហនុ៖ មន្ត្រីរាជការចំនួន២៤នាក់ ក្នុងនោះមានប្រុស២នាក់ មកពីខេត្តសៀមរាប ត្រូវបានគេដឹកបញ្ជូនទៅកាន់មន្ទីរពេទ្យជួយសង្គ្រោះជាបន្តបន្ទាប់ ពេលពួកគាត់បានហូបស៊ុបនៅក្នុងភោជនីយដ្ឋានលិហួយកាហ្វេនិងស៊ុបស្ថិតនៅតាមបណ្តោយផ្លូវវិថី៧មករា ក្នុងសង្កាត់លេខ០៤ ក្រុងព្រះសីហនុ ខេត្តព្រះសីហនុ ។
បងស្រីឈ្មោះឃុត សារិន អាយុ៥៦ឆ្នាំ ជាមន្ត្រីបំរើការងារនៅខេត្តសៀមរាបបាននិយាយរៀបរាប់ប្រាប់អោយដឹងថានៅយប់ថ្ងៃទី២៧ខែ មីនាឆ្នាំ២០១៦ជនរងគ្រោះខាងលើបានចូលទៅហូបចំណីអាហារ នៅក្នុងហាងខាងលើ ។ ក្រោយពីបានហូបរួចនៅម៉ោងប្រមាណ៨ក៏បាននាំគ្នាទៅសំរាកនៅផ្ទះសំណាក់មួយកន្លែងនៅតំបន់ឆ្នេរអូរឈើទាលជាធម្មតាមិនមានអាការៈអ្វីផ្លែកគួរឲ្យកត់សម្គាល់នោះទេ ប៉ុន្តែក្រោយមកនៅម៉ោងប្រមាណ២២ ទៅ២៣យប់ ក៏ស្រាប់តែបងប្អូនទាំងអស់ដែលបានទៅហូបស៊ុបក៏កើតមានអាការៈរាគក្អួតចង្អោរជាបន្តបន្ទាប់ហើយភ្លាមៗជនរងគ្រោះក៏បានត្រូវនាំយកទៅកាន់មន្ទីរពេទ្យចាក់អង្រែខេត្តព្រះសីហនុដើម្បីជួយសង្គ្រោះផងដែរ ។
បងស្រីរូបនោះបានបញ្ជាក់ទៀតថាជុំវិញការមានអាការៈពុលដូចនេះរូបគាត់ មិនបានដឹងថាបណ្តាលមកពីហូបចំណីនៅក្នុងហាងខាងលើឬយ៉ាងណានោះទេគ្រាន់តែបានបញ្ជាក់ថានៅមុនពេលចូលហូបចំណីនៅហាងខាងលើជនរងគ្រោះទាំងអស់មិនបានហូបអីផ្សេងក្រៅពីរហូបស៊ុបក្នុងហាងខាងលើនោះឡើយ ។
លោកសែសិទ្ឋិចូតអនុប្រធានមន្ទីរសុខាភិបាលជុំវិញបញ្ហានេះបានបញ្ជាក់ថាពិតជាមានការពុលអាហារចំនួន២៤នាក់ពិតប្រាកដមែនហើយបច្ចុប្បន្នជនរងគ្រោះមួយចំនួនមានសភាពធូរស្រាលខ្លះហើយនិងអ្នកខ្លះបានចេញពីមន្ទីរពេទ្យផងដែរ ។ នៅចំពោះមុខករណីខាងលើនេះក្រោយពីទទួលព័ត៌មានភ្លាមមន្ត្រីមន្ទីរពេទ្យខេត្តព្រះសីហនុបានចុះទៅធ្វើការត្រួតពិនិត្យផងដែរដោយទី១ចុះទៅសួរសុខទុក្ខនឹងធ្វើការសម្ភាសន៍អ្នកជំងឺរកមូលហេតុនិងទៅពិនិត្យមើលអ្នកដែលបានហូបស៊ុបរកមូលហេតុនែការជាពុលទី២ជុំវិញបញ្ហារនេះមន្ត្រីមន្ទីរសុខា ភិបាលខេត្តបានរាយការណ៍ជូនក្រុមប្រយុទ្ឋជំងឺឆ្លងរបស់ក្រសូងសុខាភិបាលដើម្បីសំគោលការសុំគោលការណ៍អនុវត្តន៍តាមនិតិវិធី ទី៣ចុះទៅធ្វើការពិនិត្យជាក់ស្តែងហាងលក់ស៊ុបខាងលើ នឹងបាននាំយកគ្រឿងផ្សំអាហារចំនួន១៤មុខ ដែលមាននៅក្នុងហាង ហើយក៏សុទ្ធជាមុខម្ហូបអាហារ ដែលជនរង គ្រោះបានបានហូបរូចហើយធ្វើការវិចខ្ចប់យកជាតិអាហារដែលនៅសល់នោះនាំយកទៅពិនិត្យនៅក្រសួងសុខាភិបាល(ឡាបូថ្នាក់ជាតិ)ដើម្បីស្វែងរកការពិត ហើយចំពោះវិធានការបែបណានោះគឺរង់ចាំលទ្ឋផលនៃការពិនិត្យរបស់ថ្នាក់ក្រសួងរួច ។
ដោយឡែកបងស្រីឈ្មោះជាវគឹមហួរអាយុ៣៥ឆ្នាំដែលជាថៅកែហាងស៊ុបខាងលើបាននិយាយថានៅយប់កើតហេតុនោះក្រុមជនរងគ្រោះមិនត្រឹមមានតែ២៤នាក់ទេគឺមានរហូតដល់ទៅ៥០ជាងនាក់ឯណ្ណោះបានចូលទៅហូបស៊ុបរបស់គាត់ហើយក្នុងនោះក៏មានភ្ញៀវផ្សេងក្រៅពីក្រុមរបស់ជនរងគ្រោះមួយចំនួនផងដែរបើសរុបទៅក្នុងយប់កើតហេតុនោះមានភ្ញៀវចូលហូបស៊ុបកន្លែងរបស់គាត់រហូតទៅដល់១២០នាក់ឯណោះប៉ុន្តែបែរជាមកពុលតែជនរងគ្រោះចំនួន២៤នាក់ទៅវិញ ។
ចំណុចនេះបងស្រីជាវគឹមហួរបាននិយាយថាជនរងគ្រោះដែលអះអាងថាពុលអាហារនោះវាមិនប្រាកដថាពុលអាហារនៅភោជនីយដ្ឋានគាត់ទេពីព្រោះបើសិនជាអាហារ នៅកន្លែងគាត់ពុលប្រហែលជាង១០០ជាងនាក់ដែលបានចូលហូបច្បាស់ជាពុលដែរហើយដូចនេះរូបគាត់សំណូមពរអោយមន្ត្រីជំនាញពាក់ព័ន្ឋមេត្តាពិនិត្យអោយបានច្បាស់លាស់លើបញ្ហានេះផងដែរជៀសវាងមានការចោទប្រកាន់ទៅលើអាហាររបស់គាត់ដែលកំពុងតែមានអតិថិជនជាច្រើនពេញនិយម ។
គួរបញ្ជាក់ផងដែរភោជនីយដ្ឋានលិហួយនេះទើបនឹងចាប់ផ្តើមបើកលក់នៅថ្ងៃទី០៧ខែមីនាឆ្នាំ២០១៦ដោយមានលក់អាហារពេលព្រឹកអាហារថ្ងៃត្រង់និងអាហារបុហ្វេពេលល្ងាចដោយអាហារបុហ្វេភ្ញៀវហូបក្នុងម្នាក់៨ដុល្លារ តែគួរអោយសោកស្តាយមិនទាន់បើកបានរយៈពេលកន្លះខែស្រួលបួលផងបែរជាមានរឿងពុលចំណីអាហារបែបនេះទៅវិញ ។ ទាំងនេះគឺជា ការព្រួយបារម្ភមួយរបស់ប្រជាពលរដ្ឋទូទៅក្នុងខេត្តព្រះសីហនុក៏ដូចជាភ្ញៀវទេសចរណ៍ជាតិ និងអន្តរជាតិ។ដួចនេះដើម្បីជាសវាងនៅផលប៉ះពាល់ដល់សុខភាពសូមមន្ត្រីជំនាញពាក់ពន្ធ័មេត្តាពិនិត្យឲ្យបានច្បាស់រាល់ការលក់ម្ហូបអាហាររបស់ហាងនេះ ចាប់ពីបន្លែរហូតដល់ត្រីសាច់ធ្វើយ៉ាងណាធានា ឲ្យបានសុវត្ថិភាពដល់ភ្ញៀវដែលបានចូលហូប ៕
ដោយ៖ ឆ្លាម សមុទ្រ
