បេក្ខភាពប្រធានាធិបតីអាមេរិកនាំ មុខនៅក្នុងគណបក្សសាធារណរដ្ឋលោកដូណាល់ ត្រាំ បានបញ្ជាក់ថា ដើម្បី រារាំងចិនពង្រីកអំណាចនៅដែនសមុទ្រចិនភាគខាងត្បូងនោះគឺត្រូវដាក់ទណ្ឌកម្ម ទៅលើសេដ្ឋកិច្ចរបស់ចិន ហើយហាម ចូលកៀកទីផ្សារអាមេរិក ។
សារព័ត៌មាន Straits Times បាន ដកស្រង់ការប្រកាសរបស់លោក ត្រាំ ស្ដីពីគោលនយោបាយការបរទេសប្រសិន បើលោកជាប់ជាប្រធានាធិបតីអាមេរិកនោះ។ លោក ត្រាំ បានបង្ហាញពីគោល នយោបាយការបរទេសមួយចំនួនពាក់ ព័ន្ធនឹងការប្រឆាំងក្រុមភេរវកម្មក៏ដូច ជាគោលនយោបាយនៅក្នុងតំបន់អាស៊ី ពិសេសគឺវិវាទនៅដែនសមុទ្រចិនភាគខាងត្បូង ។
លោក ត្រាំ បញ្ជាក់ថា វិធីសាស្ដ្រល្អ បំផុតក្នុងការទប់ស្កាត់ចិនពង្រីកអំណាចនោះគឺដាក់ទណ្ឌកម្មសេដ្ឋកិច្ច ដូចអ្វីដែល អាមេរិកបានធ្វើនាពេលកន្លងមក ។
សកម្មភាពរបស់បេក្ខភាពមកពីគណ បក្សសាធារណរដ្ឋបានធ្វើឱ្យពលរដ្ឋអា មេរិកមួយចំនួនធំមិនពេញចិត្ដដោយ សារតែលោកបានធ្វើឱ្យប៉ះពាល់ដល់អ្នកដទៃដូចជាសាសនិកអ៊ិ៉ស្លាមនៅអាមេរិក ក៏ដូចជាក្រុមអន្ដោប្រវេសន៍។ ចំណែក គោលនយោបាយជាមួយចិនបែបនេះ ប្រាកដជាធ្វើឱ្យទំនាក់ទំនងរវាងចិននឹង អាមេរិកកាន់តែតានតឹងជាងមុនមិនខាន បើលោកត្រាំជាប់ជាប្រធានាធិបតីនោះ។
បើទោះបីមានការប្រឆាំងក្ដីតែលោក ត្រាំ នៅតែទទួលបានការគាំទ្រខ្ពស់នាំមុខ គេនៅក្នុងគណបក្សដដែល។ អ្វីដែលចាប់ អារម្មណ៍នោះគឺសមាជិកព្រឹទ្ធភាមកពី រដ្ឋអាឡាបាម៉ា លោក Jeff Sessions បានចេញមុខគាំទ្រលោក ដូណាល់ ត្រាំ ។
លោកបន្ដទៀតថា គ្មាននរណាម្នាក់ ល្អឥតខ្ចោះនោះឡើយ ហើយក៏គ្មាននរ ណាម្នាក់មានអ្វីគ្រប់យ៉ាងនោះដែរ។ លោក Sessions ត្រូវបានគេចាត់ទុកថា ជាសមាជិកព្រឹទ្ធភាអាមេរិកដែលមាន ទស្សនៈប្រឆាំង ហើយក៏ជាមន្ដ្រីជាន់ខ្ពស់ របស់គណបក្សសាធារណរដ្ឋនៅក្នុងព្រឹទ្ធភាផងដែរ ។
ការណ៍ដែលលោកគាំទ្របេក្ខភាព ដូណាល់ ត្រាំ នោះដោយសារលោកជឿ ជាក់ថា លោក ដូណាល់ ត្រាំ អាចការ ពារពលរដ្ឋក៏ដូចជាបញ្ហាការងារ និង ប្រាក់បៀវត្សរ៍។ ក្រៅពីនេះសេដ្ឋកិច្ច អាមេរិកក៏នឹងប្រសើរឡើងវិញផងដែរ ក្រោយកិច្ចព្រៀមព្រៀងជាមួយដៃគូនៅ ឯនាយសមុទ្រ។ គោលនយោបាយពាណិជ្ជ កម្ម និងបញ្ហាអន្ដោប្រវេសន៍ ។
នៅពេលនេះលោក ដូណាល់ ត្រាំ ទទួល បានការគាំទ្រខ្ពស់បំផុតនៅក្នុងជួរគណ បក្សសាធារណរដ្ឋនៅក្នុងការបោះឆ្នោតនាពេលកន្លងមក។ ក្ដីសង្ឃឹមរបស់លោក ដូណាល់ ត្រាំ ក្នុងការក្លាយជាបេក្ខភាព ប្រធានាធិបតីតែមួយគត់របស់គណបក្ស សាធារណរដ្ឋកំពុងតែក្លាយជាការពិត។ប៉ុន្ដែដើម្បីក្លាយជាប្រធានាធិបតីលោកចាំបាច់ត្រូវតែយកឈ្នះលើបេក្ខភាពមកពីគណបក្សប្រជាធិបតេយ្យ ដូចជាលោក ស្រី ហ៊ីលឡារី គ្លីនតុន ដោយសារតែ លោកស្រីមានសំឡេងគាំទ្រភាគច្រើន ក្នុងការបោះឆ្នោតនាពេលកន្លងមក ៕
ប្រែសម្រួល៖ ម៉ែវ សាធី
