ខេត្តស្វាយរៀងៈ យ៉ាងហោចណាស់ រថយន្តពន្លត់អគ្គិភ័យចំនួន៥គ្រឿងបានមកអន្តរាគមន៍បាញ់ពន្លត់ចំការដើមស្មាច់ប្រមាណ២ហិចតា ព្រមទាំងមានកំលាំងអាជ្ញាធរក្រុងសមត្ថកិច្ចនគរបាល និងសមត្ថកិច្ចកងរាជអាវុធហត្ថក្រុងបាវិតនាំគ្នាជួយពន្លត់កាលពីវេលាម៉ោង១០និង២៥នាទី ថ្ងៃទី៣០ ខែមីនា ឆ្នាំ២០១៦ ស្ថិតក្នុងភូមិថ្មីសង្កាត់ច្រកម្ទេស ក្រុងបាវិត មូលហេតុសង្ស័យមនុស្សដុតយកសត្វមិនប្រយ័ត្ន ។
យោងតាមមន្ត្រីសាលាក្រុងបាវិតបានអោយដឹងថា ព្រៃដើមស្មាច់ដែលរងការឆេះនេះ មានទំហំប្រមាណ២ហិចតា ប៉ុន្តែពេលកំពុងឆាបឆេះភ្លាម ត្រូវបានប្រជាពលរដ្ឋរាយការណ៍មកសមត្ថកិច្ច ក៏ដូចជាអាជ្ញាធរមូលដ្ឋាននគរបាលខេត្តកងរាជអាវុធហត្ថខេត្តស្វាយរៀងមកអន្តរាគមន៍ជួយបាញ់ពន្លត់រហូតមកដល់វេលាម៉ោង១២ថ្ងៃត្រង់ ទើបគ្រប់គ្រងស្ថានការណ៍បានដោយប្រើប្រាស់រថយន្តពន្លត់អគ្គីភ័យចំនួន03គ្រឿង ក្នុងនោះមាន រថយន្តនគរបាល01គ្រឿង នឹងរថយន្តកងរាជអាវុធហត្ថចំនួន02គ្រឿងប្រើប្រាស់ទឹកអស់ចំនួន05ឡាន ខណះមិនរាលដាលដល់ផ្ទះនិងអាយុជីវិតមនុស្សនោះទេ។
ប្រភពបន្តថាការបង្កអោយមានអគ្គីភ័យនេះសមត្ថកិច្ចសង្ស័យថាមានមនុស្សដើរមករកសត្វពស់ឃុំ្មហើយបានដុតភ្លើងដើម្បីបង្អើលចៃដន្យភ្លើងក៏ឆេះស្មៅបង្កអោយមានការភ្ញាក់ផ្អើលតែម្ដងទៅ ៕
ដោយ៖ យឹម សុថាន