ភ្នំពេញ៖ បេីតាមការបញ្ជាក់ពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់នៅលេីបណ្ដាញសង្គមហ្វេសប៊ុកផ្ទាល់ខ្លួន នៅរសៀលថ្ងៃពុធទី១៥ ខែកញ្ញា ឆ្នាំ២០២១នេះថា៖ បម្រេីរាស្ត្រឱ្យបានល្អ គឺជាការទទួលខុសត្រូវខ្ពស់របស់មន្ត្រី ។
លោកស្នងការរាជធានីភ្នំពេញ បានបញ្ជាក់បន្ថែមថា មិនបង្អង់យូរ ប្រជាពលរដ្ឋធ្វេីសៀវភៅគ្រួសារ ៣ ទៅ៤ខែ ហេីយ មិនទាន់បានទៀត ក្រោយពីទទួលបានការរាយការណ៍ពីប្រជាពលរដ្ឋមកផេកស្នងការដ្ឋាននគរបាលរាជធានីភ្នំពេញភ្លាម ដោយអនុវត្តតាមការណែនាំជាប្រចាំរបស់លោក និង ក្រុមការងារព័ត៌មាន និងប្រតិកម្មរហ័ស បានទាក់ទងទៅមន្ត្រីជំនាញ ដេីម្បីធ្វេីការស្រាវជ្រាវ ទាក់ទង ដោះស្រាយ និងរៀបចំធ្វេី ប្រគល់ជូនប្រជាពលរដ្ឋភ្លាមៗផងដែរ ។
បន្ថែមពីនេះ លោកស្នងការនគរបាលរាជធានីភ្នំពេញ ក៏សូមអំពាវនាវដល់មន្រ្តីធ្វេីការដោយយកចិត្តទុកដាក់ និងទទួលខុសត្រូវខ្ពស់ កុំរង់ចាំប្រជាពលរដ្ឋរាយការណ៍មក ទេីបចាប់ផ្តេីមធ្វេី៕
ដោយ៖សហការី
