ក្រុមហ៊ុនអាម៉ូរី ប្រកាសបើកសម្ពោធដំណើរការគម្រោងអាម៉ូរីសែនសុខ

ចែករំលែក៖

ភ្នំពេញ៖ ព្រឹកថ្ងៃទី១៨ ខែកញ្ញា ឆ្នាំ២០២១នេះគម្រោងអាម៉ូរីសែនសុខ របស់ក្រុមហ៊ុនអាម៉ូរី ត្រូវបានប្រកាសសម្ពោធបើកដំណើរការជាផ្លូវការរបស់ខ្លួនហើយ។ ការប្រកាសនេះត្រូវបានធ្វើឡើង ក្រោមអធិបតីភាព ថ្នាក់ដឹកនាំក្រុមហ៊ុន និងអ្នកចូលរួមជាដៃគូពាណិជ្ជកម្ម ព្រមទាំងភ្ញៀវកិត្តិយស និងអ្នកសារពត័មានជាច្រើនរូប។ 

គម្រោង អាម៉ូរីសែនសុខ ជាគម្រោងវីឡា ប្រណីត ទំនើបទាន់សម័យ ស្ថិតនៅចំកណ្តាលបេះដូង ខណ្ឌ សែនសុខ នៃរាជធានីភ្នំពេញ។ដូចដែលបានជ្រាបច្បាស់ហើយថាខណ្ឌសែនសុខត្រូវបានគេចាត់ទុកថាជាខណ្ឌមួយដ៏មានប្រជាប្រិយភាពបំផុត ក្នុងចំណោម ខណ្ឌទាំង ១៤នៃរាជធានីភ្នំពេញ ហើយវាក៏ជាតំបន់ពាណិជ្ជកម្មធំ មួយ ដែលបណ្តុំទៅដោយស្ថាបត្យកម្មប្រណីតៗ ព្រមទាំងសហគ្រាស តូចធំ ថ្នាក់ជាតិ និងអន្តរជាតិ ដែលក្នុងនោះរួមមានសាលារៀន មន្ទីពេទ្យ ផ្សារទំនើប និងហាងលក់ទំនិញតូចធំ ព្រមទាំងកន្លែងកម្សាន្ដផ្សេងៗជាច្រើន។ លើសពីនេះទៅទៀត ខណ្ឌ សែនសុខគឺជាខណ្ឌមួយដែលស្ថិតនៅជាប់ផ្លូវសំខាន់ៗ ជាច្រើននៅក្នុងរាជធានីភ្នំពេញ រួមមានមហាវីថី ឧកញ្ញា ម៉ុង ឬទ្ធី និង មហាវីថីមិត្តភាព ភ្នំពេញ ហាណូយ (១០១៩) ដែលជាសរសៃរឈាមដ៏សំខាន់តភ្ជាប់ទៅកាន់ មហាវីថីសហព័ន្ធរុស្សី ដែលជាមហាវីថីអន្តរជាតិឆ្ពោះទៅកាន់ អាកាសយានដ្នានអន្តរជាតិកម្ពុជា ក៏ដូចជាតំបន់សំខាន់ៗជាច្រើន ផ្ដល់ភាពងាយស្រួលក្នុងការធ្វើដំណើរទៅមក ដើម្បីប្រកបអាជីវកម្ម ឬបំពេញកិច្ចការងារផ្សេងៗ។ដោយសង្កេតឃើញពីសក្ដានុពលដ៏ខ្លាំងក្លា និងប្រជាប្រិយភាពដ៏ខ្ពស់នៃ ខណ្ឌសែនសុខ ទើបបុរីអាម៉ូរី សម្រេចរៀបចំបើកគម្រោងថ្មី របស់ខ្លួនដែលមានទីតាំងស្ថិតនៅតំបន់សែនសុខផ្ទាល់តែម្ដង ដើម្បីបំពេញតម្រូវការ ក៏ដូចជាផ្ដល់ភាពងាយស្រួលដល់អតិថិជនគ្រប់រូប ឲ្យទទួលបាននូវគេហដ្នានមួយដែលល្អ ប្រណីត និងមានផាសុកភាពខ្ពស់ក្នុងការរស់នៅ។

សូមបញ្ចាក់ផងដែរថា គម្រោង អាម៉ូរីសែនសុខ គឺជា គម្រោង វិនិយោគទី ២ បន្ទាប់ពីភាពជោគជ័យយ៉ាងខ្លាំងនៃគម្រោងទី ១ របស់បុរី អាម៉ូរី (គម្រោងបុរី អាម៉ូរី ៧មករា)។ បុរីអាម៉ូរី បានវិនិយោគ លើ គម្រោង អាម៉ូរីសែនសុខ គិត ជា សាច់ប្រាក់ សរុបចំនួន ១0 លានដុល្លារ សហរដ្នអាមេរិក។ ដែលគម្រោង អាម៉ូរីសែនសុខ ផ្ដោតសំខាន់ទៅលើ ប្រភេទ គេហដ្នានប្រណីត ដែលមានម៉ូតវីឡាថ្មីចំនួន3ប្រភេទ រចនាឡើងប្រកបដោយសោភណភាព និង កិត្យានុភាព ដែលក្នុងនោះរួមមាន៖ វីឡាភ្លោះ, វីឡាព្រីន និង វីឡាឃ្វីន សាកសមបំផុតសម្រាប់ការរស់នៅបែប ឯកជនភាព និងប្រណីតភាព ពោរពេញទៅដោយភាពថ្លៃថ្នូរ។

គម្រោង អាម៉ូរីសែនសុខ ត្រូវបានរចនាដោយអ្នកជំនាញផ្នែកស្ថាបត្យកម្ម និងត្រូវបានសាងសង់ឡើងដោយវិស្វករជំនាញ ដែលមានបទពិសោធន៍ជាច្រើនឆ្នាំក្នុងការងារសាងសង់ និងប្រើប្រាស់បច្ចេកវិទ្យាទំនើប ដើម្បីធានាសោភ័ណភាព និងគុណភាពសំណង់របស់យើងស្របទៅតាមបទដ្ឋានអន្តរជាតិ។ លើសពីនេះទៅទៀត ផ្នែកអភិវឌ្ឍគម្រោង អាម៉ូរីសែនសុខ បានសិក្សាយ៉ាងម៉ត់ចត់ ដោយផ្តល់ជូនអតិថិជន នូវលក្ខខណ្ឌ ការបង់ប្រាក់យ៉ាងពិសេសបំផុត ដែលពិតជាផ្តល់ភាពងាយស្រួល ខ្ពស់ទៅដល់អតិថិជនរបស់ខ្លួន ៕ 

ដោយ៖ វឌ្ឍនា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print