ទីក្រុងភ្នំពេញ និងក្រុងតូក្យូជប៉ុន ត្រៀមចុះMOUនៅពាក់កណ្ដាលខែមេសា ដើម្បីបន្ដអនុវត្ដគម្រោងដែលបានគ្រោងទុក

ចែករំលែក៖

ភ្នំពេញ៖ ក្រោមពីបញ្ចប់ដំណើរទស្សនកិច្ច ជាផ្លូវការ អស់រយៈពេលមួយសប្ដាហ៍ នៅប្រទេសជប៉ុន របស់គណៈប្រតិភូ សាលារាជធានីភ្នំពេញ ដែលដឹកនាំដោយ លោក ប៉ា សុជាតិវង្ស អភិ បាលរាជធានីភ្នំពេញ ទីក្រុងគីតាគ្យូស្យ៊ូ ដើម្បីចុះMOU ក្នុងកិច្ចព្រៀមព្រៀង សហប្រតិបត្ដិ ការ អភិវឌ្ឍន៍ ទីក្រុងឲ្យមានភាពរីកចម្រើន រួចមក ហើយបន្ដទៅទស្សនកិច្ចនៅទីក្រុងតូក្យូ ដើម្បី ត្រៀមបន្ដចុះMOU លើកិច្ចសហប្រតិបត្ដិការ អភិវឌ្ឍន៍ ដូចគ្នានេះ នៅរាជធានីភ្នំពេញបន្ដទៀត នៅពាក់កណ្ដាលខែមេសា នេះបើតាមការ បញ្ជាក់ឲ្យដឹងពី លោក ប៉ា សុជាតិវង្ស ក្នុងពេញដំណើរនិវត្ដមកដល់ អាកាសយានដ្ឋានអន្ដរជាតិភ្នំពេញ នារាត្រីថ្ងៃទី៣០ មីនា ។

លោក ប៉ា សុជាតិវង្ស បានបញ្ជាក់ថា៖ នៅក្នុងដំណើរ ទស្សនកិច្ច តបតាមការអញ្ជើញ ជាផ្លូវការ របស់ អភិបាលទីក្រុង តាគ្យូស្ស៊ូ ប្រទេសជប៉ុន រយៈពេលមួយ សប្ដាហ៍ នេះ បញ្ចប់រួមមក គណៈប្រតិភិសាលារាជធានីភ្នំពេញយើង ដោយបានទទួលនូវលទ្ឋិផលជាផ្លែផ្កា រួមមាន៖ ១-ការបង្កើតក្រុមការងាររវាងរាជធានីភ្នំពេញនិងទីក្រុងតូក្យូ ដើម្បីរៀបចំឯកសារឈានទៅចុះហត្ថលេខាលើអនុស្សារណៈចងសម្ព័ន្ឋមេត្រីភាពរវាងទីក្រុងទាំងពីរនៅពាក់កណ្ដាលខែមេសានេះ ។ ទី២- ទីក្រុងភ្នំពេញត្រៀមទទួល រថយន្តក្រុង ចំនួន១៨០ គ្រឿងដែលជាជំនួយឥតសំណងរបស់ជប៉ុន និងត្រូវបានអនុម័តយល់ព្រម ជាផ្លូវការឆាប់ៗខាងមុខនេះ ដែលនឹងត្រូវប្រើប្រាស់ក្នុងខ្សែរត់បន្ថែមទៀត ទៅតាមប្លង់គោលដឹកជញ្ជូនក្នុងរាជធានីភ្នំពេញ ។ ទី ៣- ជប៉ុនគេនិងរៀបចំដាក់អ្នកជំនាញ ដើម្បីវិនិយោគការគ្រប់គ្រងសំរាម ដែលមានលក្ខណៈល្អប្រសើរ ដោយអាចកែច្នៃបានជាជី និងអ្វីៗផ្សេងទៀតដែលមាន ប្រយោជន៏ ជាពិសេសទឹកស្អុយ ដែលអាចកែច្នៃបានយ៉ាងស្អាតជាអតិបរមា ល្អស្ទើរតែ១០០% យកមកប្រើប្រាស់បាន មុននិងបញ្ចេញចូលក្នុងស្ទឹង ទន្លេ ឬ សមុទ្រ ហើយយើង នឹងបន្ដរៀនសូត្រពីគេ ដើម្បីឈានទៅគ្រប់គ្រងដោយ ខ្លួនឯង នៅកម្ពុជា និងទី៤- យើងត្រៀម លក្ខណៈ សហការជានិច្ច រាល់គម្រោង ដូចអ្វី ដែលយើងក្នុងការចងសម្ព័ន្ឋភាពទីក្រុងរវាងរាជធានីភ្នំពេញ និងទីក្រុងគីតាគ្យូស្ស៊ូនោះព្រោះ នេះ ជាមោទនភាពមួយរបស់រាជធានីភ្នំពេញ ជាមួយទីក្រុង គីតាគ្យូស្យ៊ូ និងទីក្រុងតូក្យូ ជប៉ុន ហើយក៍ជាលើកដំបូងគេបង្អស់របស់ប្រទេសជប៉ុន ដែលបានភ្ជាប់សម្ព័ន្ធមេត្រីភាពជាមួយគ្នា ផងដែរ ៕