ភ្នំពេញ៖ បុរសជនជាតិចិនម្នាក់ស្រវឹងស្រា បានបើករថយន្តក្នុងល្បឿនលឿន ហើយរេចង្កូតជ្រុលទៅបុករង្វង់មូលស៊ុមសួនច្បារ បណ្ដាលឲ្យរងការខូចខាត តែសំណាងល្អមិនបណ្ដាលឲ្យនរណាម្នាក់រងរបួសនោះទេ។​

ហេតុការណ៍នេះបានកើតឡើងកាលពីវេលាម៉ោង២និង៤០នាទីរំលងអាធ្រាត ឈានចូលថ្ងៃទី១ ខែមេសា ឆ្នាំ២០១៦ នៅចំណុចមុខស្ថានទូតអូស្ត្រាលី តាមបណ្ដោយផ្លូវរដ្ឋសភា ស្ថិតក្នុងសង្កាត់ទន្លេបាសាក់ ខណ្ឌចំការមន។

បើតាមសាក្សីដែលឃើញហេតុការណ៍នេះបានប្រាប់ឲ្យដឹងថា នៅមុនពេលកើតហេតុ គឺ បុរសជនជាតិចិនម្នាក់ស្រវឹងស្រាឡើងជោកជាំបើក រថយន្តបង្កម៉ាកឡិចស៊ីស RX300 ពណ៌ខ្មៅ ពាក់ស្លាកលេខភ្នំពេញ2M.7223 បើកបរតាមបណ្ដោយផ្លូវរដ្ឋសភា ទិសដៅពីជើងទៅត្បួង ក្នុងល្បឿនលឿន ខណះមកដល់ចំណុចកើតហេតុក៏បានរេចង្កូតឡើងលើចញ្ចើមផ្លូវ ហើយជ្រុលទៅបុករង្វង់មូលស៊ុមសួនច្បារបណ្ដាលឲ្យរងការខូចខាតយ៉ាងដំណំ ហើយរថយន្តបង្កបានដាច់កាឡេកង់មុខផ្នែកខាងស្ដាំ ដែលមិនបន្តទៅមុខបាន។

ក្រោយកើតហេតុសមត្ថកិច្ចមូលដ្ឋានបានចុះដល់កន្លែងកើតហេតុភ្លាមៗហើយបានទំនាក់ទំនងជាមួយជំនាញឲ្យមកស្ទួចយកទៅរក្សាទុកនៅអធិការដ្ឋានខណ្ឌចំការមន​ ដើម្បីរងចាំដោះស្រាយនៅពេលក្រោយ៕

ដោយ៖ ជីម ភារ៉ា ដង្កោ