ខេត្តរតនគិរី៖ កម្លាំងកងរាជអាវុធហត្ថ ស្រុកអូរយ៉ាដាវ ឃាត់ខ្លួនបុរសម្នាក់បន្ទាប់ពីកាន់គ្រាប់បែក កាលពីវេលាម៉ោង៤ និង២៩នាទីល្ងាចថ្ងៃទី០១ ខែមេសា ឆ្នាំ២០១៦ ឃាត់ខ្លួនជនសង្ស័យម្នាក់ ករណីលាក់ទុកគ្រឿងផ្ទុះខុសច្បាប់នៅចំណុចភូមិសោមត្រក់ចាស់ ឃុំសោមធំ ស្រុកអូរយ៉ាដាវ ខេត្តរតនគិរី។
លោក វរសេនីយ៍ត្រី សុខ មីន មេបញ្ជាការកងរាជអាវុធហត្ថស្រុកអូរយ៉ាដាវបានប្រាប់ឲ្យដឹងថា ករណីឃាត់ខ្លួនបុរសនេះខណៈ ដែលកម្លាំងអាវុធហត្ថប្រទះឃើញជនសង្ស័យមានគ្រាប់បែកដៃ១គ្រាប់ដាក់តាមខ្លួនកំពុងដើររកកន្លែងផឹកស៊ី។
លោកបានបន្តទៀតថា ជនសង្ស័យ មានឈ្មោះ រម៉ាម ដួល អាយុ៤០ឆ្នាំ ជនជាតិចារ៉ាយ មានទីលំនៅភូមិឃុំកើតហេតុខាងលើ។
នៅព្រឹកថ្ងៃទី០២ ខែមេសា ឆ្នាំ២០១៦ នេះកម្លាំងកងរាជអាវុធហត្ថ ស្រុកអូរយ៉ាដាវបានកំពុងរៀបចំសំណុំបែបបទ បញ្ជូនជនសង្ស័យនិងវត្ថុតាងទៅកាន់ទីបញ្ជាការកងរាជអាវុធហត្ថខេត្តរតនគិរី ដើម្បីចាត់ការបន្តទៅតាមនីតិវិធីនៃច្បាប់៕
ដោយ៖ វុទ្ធឦសាន
...
