ភ្នំពេញៈ នៅថ្ងៃទី ៨ ខែកញ្ញា ឆ្នាំ២០២១ វេលាម៉ោង ១០និង ៤០នាទីព្រឹក កម្លាំងជំនាញខណ្ឌបានធ្វើការឃាត់ខ្លួនជនសង្ស័យ៤នាក់ ជាក់ស្ដែងករណីជួញដូរដោយខុសច្បាប់នូវសារធាតុញៀន ចំណុច ខាងក្រោយក្រុមហ៊ុន QB ភូមិ 5 សង្កាត់ផ្សារដើមថ្កូវ ខណ្ឌចម្ការមន រាជធានីភ្នំពេញ។
លោកវរសេនីយ៍ទោ ផន អូន អធិការរងទទួលផែនប្រឆាំងគ្រឿងញៀនខណ្ឌចម្ការមន ជាលទ្ធផលកម្លាំងជំនាញខណ្ឌបានធ្វើការឃាត់ខ្លួន
ជនសង្ស័យទី1_ប្រពន្ធឈ្មោះ កុយ ដា អាយុ 27ឆ្នាំ ស្នាក់នៅមិនពិតប្រាកដ មុខរបរ គ្មាន។
ជនសង្ស័យទី 2-ប្តី ឈ្មោះ យិន លីតុង ហៅ កេត អាយុ20ឆ្នាំ ស្នាក់នៅផ្ទះគ្មានលេខ ផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចម្ការមន មុខរបរ គ្មាន សម្ភារៈដកហូត ថ្នាំ3កញ្ចប់ ធំ1កញ្ចប់តូចៗ2កញ្ចប់ ។
ជនសង្ស័យទី៣ ឈ្មោះ វឿន ទ្បា ហៅ តុល នៅចំណុចផ្ទះគ្មានលេខ ភូមិ 5 សង្កាត់ផ្សារដើមថ្កូវ ខណ្ឌ ចម្ការមន មុខរបរ ជាងដែក។
បើតាមលោកវរសេនីយ៍ទោ ផន អូន អធិការរងទទួលផែនប្រឆាំងគ្រឿងញៀនខណ្ឌចម្ការមនបានប្រាប់ឲ្យដឹងថា យោងតាមចម្លើយសារភាពរបស់ឈ្មោះ យិន លីតុង ហៅ កេត បានឆ្លើយថាខ្លួនបានទិញថ្នាំពីឈ្មោះ វឿន ទ្បា ហៅ តុល នៅខាងក្រោយក្រុមហ៊ុន QB ភូមិ 5 សង្កាត់ផ្សារដើមថ្កូវ ខណ្ឌចម្ការមន។
ចំពោះមុខកម្លាំងជំនាញខណ្ឌកំពុងក៏សាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕ ដោយ ជីណា
