ភ្នំពេញ៖ រថយន្តទំនើបម៉ាក Rolls Royce ១គ្រឿង ប្រហែលជាចង់សាកកម្លាំងបានបេីកទៅបុកក្បាលថ្មពុះចែកទ្រូងផ្លូវយ៉ាងពេញទំហឹងបណ្ដាលឱ្យរថយន្តរងការខូចខាតផ្នែកខាងមុខយ៉ាងដំណំ និងបង្កឱ្យក្បាលរបាំងថ្មពុះចែកទ្រូងផ្លូវរងការខូចខាត រួមទាំងបាក់អស់បង្កោលភ្លេីងមួយដេីមផង បង្កការភ្ញាក់ផ្អេីលទាំងយប់។ ហេតុការណ៍គ្រោះថ្នាក់ចរាចរណ៍នេះកើតឡើងនៅតាមបណ្ដោយមហាវិថីសហព័ន្ធរុស្ស៊ី ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ នាវេលាម៉ោង២រំលងអធ្រាត្រឈានចូលថ្ងៃទី១៣ ខែតុលា ឆ្នាំ២០២១ នេះ តែគេមិនទាន់ស្គាល់អត្តសញ្ញាណនៃម្ចាស់រថយន្តស៊េរីទំនើបខាងលើនេះនៅឡើយនោះទេ៕
ដោយ៖ ស សម
