ភ្នំពេញ៖ តបតាមការសន្យាចំពោះការជួបជុំកីឡាករកីឡាការនីកម្ពុជាល្ងាចថ្ងៃទី៤ ខែមេសា ឆ្នាំ២០១៦នេះ សម្ដេចតេជោ ហ៊ុន សែន នឹងអញ្ជើញចូលរួមសំណេះសំណាល និង ពិសារអាហារសាមគ្គីជាមួយកីឡាករកីឡាការិនីកម្ពុជាមកពីគ្រប់ផ្នែកសរុប ចំនួន៣,៤០០នាក់ នៅមជ្ឈមណ្ឌលកោះពេជ្រ ។ ពិធីជប់លៀងនេះ សម្តេចតេជោ ជាអ្នកធានារាប់រងរាល់ការចំណាយផ្សេងៗ ក្រៅពីការសំណេះសំណាល និងពិសារអាហារ ក៏នឹងមានការប្រគំតន្រ្តីកំដរ រាំលេងកម្សាន្តផងដែរ។

ការជួបជុំនេះ ជាការលើកទឹកចិត្តសម្រាប់កីឡាករ កីឡាការិនីកម្ពុជា ដែលបានខិតខំប្រឹងប្រែងដណ្តើមនូវស្នាដៃផ្សេងៗកន្លងមកទាំងក្នុងក្របខណ្ឌជាតិ និងអន្តរជាតិ។ ជាពិសេស ដើម្បីអបអរសាទរមុនបុណ្យចូលឆ្នាំថ្មីប្រពៃណីជាតិខ្មែរ ម្យ៉ាងវិញទៀតគឺជាការដាស់ស្មារតីដល់កីឡាករ កីឡាការិនីទាំងអស់ឲ្យត្រៀមខ្លួន ដើម្បីទទួលយកការប្រកួតស៊ីហ្គេម ២០២៣ ខាងមុខ។

ដោយ៖ សារីម