ភ្នំពេញ ៖ រថយន្តកាមរីហាយប្រ៊ីដមួយគ្រឿងបានពន្លះរបាំងថ្មពុះចែកទ្រូងផ្លូវយ៉ាងពេញទំហឹងបណ្ដាលឱ្យក្រឡាប់ផ្ងារជេីងច្រងាងៗ បង្កការភ្ញាក់ផ្អេីលដល់អ្នកដំណេីរកាលពីវេលាម៉ោង១រំលងអធ្រាត្រ ឈានចូលថ្ងៃទី២៣ ខែតុលា ឆ្នាំ២០២១ នៅក្បែរស្តុបបូកគោ តាមបណ្ដោយផ្លូវម៉ៅសេទុង កែងផ្លូវលេខ១០៥ ក្នុងសង្កាត់សង្កាត់បឹងត្របែក ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែង
កេីតហេតុបានឱ្យដឹងថា មុនពេលកេីត
ហេតុគេឃេីញរថយន្តម៉ាកកាមរីហាយ
ប្រ៊ីដ ពណ៌ស ពាក់ស្លាកលេខភ្នំពេញ 2AE-8191បើកតាមបណ្ដោយផ្លូវម៉ៅសេទុងពីលិចទៅកេីតក្នុងល្បឿនលឿន ខណៈមកដល់ចំណុចកេីតហេតុក៏ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យរថយន្តបង្កក្រឡាប់ផ្ងារជេីងទ្រមេឃ រីឯរបាំងថ្មខូចខាតអស់ពីរផ្ទាំង ។ ខណៈនោះក៏ឃេីញមានមនុស្សប្រុស៣នាក់និងស្រីម្នាក់លូនចេញពីក្នុងរថយន្តដោយមានរងរបួសស្រាល ។
ក្រោយកេីតហេតុ អ្នកបើករថយន្តបង្កនិងអ្នករួមដំណេីរបានចាកចេញពីកន្លែងកេីតហេតុ ដោយទុករថយន្តឲ្យសមត្ថកិច្ចជំនាញធ្វេីការវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយនាពេលក្រោយ ៕
ដោយ ៖ ភារ៉ា ដង្កោ
