លោក Antonio Conteគ្រូបង្វឹករបស់ក្រុមជម្រើសជាតិអ៊ីតាលីបានចុះហត្ថលេខារយះពេល៣ឆ្នាំទៅដឹកនាំក្រុមតោខៀវChelsea
នៅក្រោយយូរ៉ូឆ្នាំ២០១៦ចប់។
គ្រូបង្វឹកវ័យ៤៦ឆ្នាំនេះបានថ្លែងនៅក្នុងគេហទំព័ររបស់ក្លិបតោខៀវថា “ខ្ញុំសប្បាយចិត្តណាស់ដែលបានប្រកាសច្បាស់បញ្ចប់មន្ទិលសង្ស័យថា ខ្ញុំនឹងមកដឹកនាំក្រុមតោខៀវ។ ពេលនេះខ្ញុំផ្តោតទៅលើការងារក្រុមជម្រើសជាតិសិន ហើយនឹងបន្តនិយាយពីការងារនៅក្នុងក្លិបChelseaបន្តទៀត”។ Antonio Conte បានបន្ថែមថា “ខ្ញុំរំភើបណាស់ចំពោះការងារនៅក្នុងក្រុមតោខៀវ។
ខ្ញុំមានមោទនភាពជាគ្រូបង្វឹកក្រុមជម្រើសជាតិអ៊ីតាលីហើយក្លាយទៅជាគ្រូបង្វឹកក្រុមChelseaក៏កាន់តែមានមោទភាពដែរ”។
គួរបញ្ជាក់ថាលោក Antonio Conte បានដឹកនាំក្រុមសេះបង្កង់Juventusឈ្នះជើងឯកអ៊ីតាលីSerie Aចំនួន៣រដូវកាលជាប់ៗគ្នាឆ្នាំ២០១២-២០១៤មុនផ្លាស់ទៅដឹកនាំក្រុមជម្រើសជាតិអ៊ីតាលី។ ចំណែកក្រុមតោខៀវវិញកំពុងតែដឹកនាំដោយគ្រូបង្វឹកបណ្តោះអាសន្ន Guus Hiddink បន្ទាប់ពីបណ្តេញលោក Jose Mourinhoចេញពីតំណែង កាលពីខែធ្នូ៕
