ភ្នំពេញ៖ រថយន្ថម៉ាកព្រូសមួយគ្រឿងដែលបើកបរដោយនារីស្រស់ស្អាតម្នាក់ បើកមិនប្រយ័ត្នខណះមកដល់ត្រង់ចំណុចផ្លូវបំបែកជាបួន ជ្រុលទៅបុករថយន្ដបាឡែនមួយគ្រឿងទៀតចំពីចំហៀងបណ្ដាលអោយរងការខូចខាតទាំងសងខាង។
ហេតុការណ៍គ្រោះថ្នាក់ចរាចណ៍ខាងលើនេះបានកើតឡើងនៅវេលាម៉ោង០១និង២០នាទីរំលងអាធ្រាត ឈានចូលថ្ងៃទី០៥ ខែមេសា ឆ្នាំ២០១៦ ចំណុចផ្លូវបំបែកជាបួន តាមបណ្ដោយផ្លូវលេខ៤៣២កែងនឹងផ្លូវលេខ៩៥ ស្ថិតក្នុងសង្កាត់ បឹងត្របែក ខណ្ឌចំការមន រាជធានីភ្នំពេញ។
បើតាមប្រភពព័ត៌មានពីកន្លែងកើតហេតុបានអោយដឹងថានៅមុនពេលកើតហេតុគេបានឃើញរថយន្ដម៉ាក បាឡែន ពណ៍ស្ក ពាក់ស្លាកលេខ 2AI-9820 បើកបរដោយបុរសម្នាក់ ធ្វើដំណើរតាមបណ្ដោយផ្លូវលេខ៤៣២ ទិសដៅពីកើតទៅលិច លុះមកដល់ចំណុចកើតហេតុ ស្រាប់តែមានរថយន្ដម៉ាកព្រូស ពណ៌ស្ក ពាក់ស្លាកលេខភ្នំពេញ2R.5819 បើកបរដោយនារីម្នាក់ ដែលមិនប្រយ័ត្នក៏ជ្រុលបុកចំពីចំហៀងរថយន្ដផ្នែកខាងស្ដាំបណ្ដាលអោយដាច់កាឡេទៅមុខលែងរួច ។ ចំណែករថយន្ដព្រូសរងការខូចខាតផ្នែកខាងមុខផងដែរ។
ក្រោយពីកើតហេតុភាគីទាំងសងខាងបានធ្វើការសម្របសម្រួលគ្នាដោយភាគីខាងរថយន្ដព្រូសព្រមសងថ្លៃការខូចខាតចំនួន150$អោយទៅខាងរថយន្ដបាឡែនដើម្បីបញ្ចប់រឿងនៅកន្លែងកើតហេតុព្រោះមិនចង់មានរឿងវែងឆ្ងាយនិងរំខានដល់សមត្ថកិច្ចមូលដ្ឋានឡើយ៕
ដោយ៖ ជីម ភារ៉ា ដង្កោ
