ភ្នំពេញ៖ អតីតារាចម្រៀង និងជាពិធីការនី អ្នកនាង ឈិន សុធារី ទើបនឹងសម្រាលបានកូនប្រុសភ្លោះដោយការវះកាត់ជាងមួយខែប៉ុណ្ណោះ ។ ផ្ទុយពីភាពរីករាយដែលចូលមកជីវិតរបស់នាងនោះគឺការរៀបរាប់អំពីទុក្ខលំបាកក្នុងជីវិតរបស់នាងដើម្បីបន្ធូនូវភាពតានតឹងក្នុងទ្រូង។គេចាំបានថា ក្រោយរងរបួសផ្លូវចិត្តរឿងស្នេហារៀងៗខ្លួន អតីតតារាសម្តែង សុវណ្ណ មករា និងតារាចម្រៀង ឈិន សុធារីបានសម្រេចចិត្តចូលរោងការកាលពីថ្ងៃទី២២ ខែតុលា ឆ្នាំ២០១៥។ មានការលើកឡើងថាមូលហេតុដែលធ្វើឲ្យនាង និងស្វាមី ប្រញាប់ប្រញាល់ចូលរោងការ ទាំងតក់ក្រហល់បែបនេះ ដោយសារតែភាគីខាងស្រី ត្រូវគេសង្ស័យថា មានផ្ទៃពោះមុនរៀបការ ។
នៅថ្ងៃទី២៧ ខែកុម្ភៈ ឈិន ចាន់ធារី បានសម្រាលបានកូនប្រុសភ្លោះផងដែរ។ ការទម្លាយសារនេះត្រូវបានគេដឹងថានាងមានវិបត្តិផ្លូវចិត្តដែលមិនអាចនិយាយបានទាក់ទិនទៅនឹងរឿងរ៉ាវគ្រួសារក្រោយរៀបការរួច។ នាងលើកឡើងថា «ចង់ប្រាប់ថាហត់ខ្លាំងណាស់ហត់ទាំងចិត្ត និង កាយ ស៊ូហត់តែកាយតែកុំឱ្យហត់ចិត្ត ។ បើនៅតែបែបនេះតទៅទៀតប្រហែលជាមិនរស់ទេ សង្ឃឹមថាថ្ងៃណាមួយខ្ញុំនឹងបានជួបអ្នកដែលយល់ចិត្តខ្ញុំពិតប្រាកដនៅក្នុងឆាកជីវិតមួយនេះ ហត់ណាស់ទៅមុខលែងរួចហើយ» ។អ្វីដែលនៅពីក្រោយការត្អូញត្អែរពីផលលំបាកក្នុងជីវិត ត្រូវបានគេដាក់ការសង្ស័យថា គឺគ្មានអ្នកណាធ្វើឱ្យនាងពិបាកចិត្តមិនក្រៅពីស្វាមីរបស់នាង គឺលោក សុវណ្ណ មករា នោះឡើយព្រោះតែស្វាមីមិនមានពេលគ្រប់គ្រាន់ក្នុងការផ្តល់ការមើលថែរនាងនិងកូនៗក្រោយរៀបការរួចនោះ។
ទោះបីជាយ៉ាងណាគេនៅមិនទាន់ស្វែងរកការបញ្ជាក់ពីគូស្វាមីភរិយាខាងលើនៅឡើយទេ។ ប៉ុន្តែតាមតារារួមអាជីពបានបញ្ជាក់ថា ស្វាមីរបស់ឈិន សុធារីហាក់មិនបាននៅជិតដិតដល់ជាមួយភរិយានិងកូនបានច្រើនឡើយ ដែលស្វាមីនាងតែងចេញទៅធ្វើការនិងជួបជុំមិត្តភ័ក្កិនាពេលរាត្រីជាញឹកញាប់ ហើយដៃគូរបស់អតីតតារាសម្តែងរូបនេះគឺមានលោក សាពូន មីដាដា និងលោក រិន សាវ៉េតជាដើម។
ពាក្យមួយឃ្លាដែលកាន់តែធ្វើ ឲ្យគេចាប់អារម្មណ៍ផងដែរនោះគឺសម្តីរបស់ឈិន សុធារីគឺពាក្យមួយឃ្លាដែលនាងបានសរសេរថា «សត្វទីទុយ..អើយ..អាណិតខ្ញុំផង» ។ ប្រភពបន្តថា ការដើរបាត់ពីផ្ទះនេះកើតឡើងមុនពេលរៀបការមកម្ល៉េះ ម្យ៉ាងលោក សុវណ្ណ មករាតែងមានកម្មវិធីជាហូរហែរជាមន្ត្រីក្រុមមន្ត្រី និងអ្នកជំនួញមួយចំនួនស្របពេលដែលលោកគឺជាជំនួយការរបស់លោក ស្រីតូច ចំណានផងដែរ ធ្វើឲ្យលោកពិបាកនឹងរកពេលវេលាច្រើនដើម្បីនៅជិតភរិយា និងកូនៗដែលមានវ័យទើបជាងមួយខែនោះ៕
ដោយ៖ វឌ្ឍនា
