ខេត្តស្វាយរៀង៖ បុរស៣នាក់បានរងរបួសធ្ងន់ស្រាលដោយសារករណីគ្រោះថ្នាក់ចរាចរណ៍បង្កឡើងដោយម៉ូតូហុងដាសេរី២០២០បត់ឆ្វេងឆ្លងផ្លូវខ្វះការប្រុងប្រយត្ន័បុកជាមួយម៉ូតូមួយគ្រឿងទៀតទិសដៅបញ្ច្រាស់គ្នាយ៉ាងពេញទំហឹងផ្អើលអ្នកភូមិទាំងក្បាលព្រលប់។

ហេតុការណ៍នេះបានកើតឡើង កាលពី
វេលាម៉ោង៦និង៥នាទីព្រលប់ថ្ងៃទី២៥ខែតុលាឆ្នាំ ២០២១ ចន្លោះផ្លូវ១៣០និង១៣១ស្ថិតក្នុងនៅភូមិទន្លៀង ឃុំរមាំងថ្កោល ស្រុកស្វាយទាបខេត្តស្វាយរៀង។

សមត្ថកិច្ចនគរបាលស្រុកបានអោយដឹងថាអ្នកបើកម៉ូតូបង្កហេតុមានឈ្មោះ
នៅ គា អាយុ៣៣ឆ្នាំមុខរបរកម្មករនិងអ្នករួមដំណើរឈ្មោះចាន់ ចន្តាអាយុ៤៥ឆ្នាំមុរបរ សន្តិសុខ
រស់នៅភូមិទន្លៀងឃុំរមាំងថ្កោលស្រុកស្វាយទាបខេត្តស្វាយរៀងជិះម៉ូតូម៉ាក
ហុងដា សេរី២០២០ ពណ៌ខ្មៅពាក់ស្លាកលេខស្វាយរៀង1P៦២០០ខូចខាតយ៉ាងដំណំ។

ចំណែកភាគីរងគ្រោះមានឈ្មោះឈ្មោះកែវ វឹងអាយុ៤១ឆ្នាំមុខរបរជាងរថយន្ត រស់នៅភូមិតាជោ សង្កាត់ស្វាយតឿក្រុងស្វាយរៀងខេត្តស្វាយរៀងជិះម៉ូតូម៉ាក ហុងដាសេរី១៩៩៧ ពណ៌ព្រីងទុំ ពាក់ស្លាកលេខភ្នំពេញ1C០៨៦៥។

តាមសាក្សីបានអោយដឹងថាមុនកើតហេតុមានបុរស២នាក់ជិះម៉ូតូមួយគ្រឿងម៉ាកហុងដា សេរី២០២០ ពណ៍ខ្មៅពាក់ស្លាកលេខស្វាយរៀង1P៦២០០ក្នុងទិសដៅ ពីលិចទៅកើតហើយក៏បានបើកបត់ឆ្វេងឆ្លងផ្លូវខ្វះប្រុងប្រយ័ត្ន ស្រាប់តែបុកជាមួយ
ម៉ូតូម៉ាក ហុងដាសេរី១៩៩៧ ពណ៌ព្រីងទុំ ពាក់ស្លាកលេខភ្នំពេញ1C០៨៦៥ធ្វើដំណើរ
ទិសដៅកើតទៅលិច យ៉ាងពេញទំហឹងបង្កការភ្ញាក់ផ្អើលតែម្ដង។

ក្រោយកើតហេតុអ្នករងរបួសត្រូវបានបញ្ជូនទៅមន្ទីរពេទ្យបង្អែកខេត្តស្វាយរៀងចំណែក មធ្យោបាយធ្វើដំណើរទាំងពីរគ្រឿងសមត្ថកិច្ចវាស់វែងនិងអូសយកមក រក្សាទុកប៉ុស្តិ៍នគរបាលរដ្ឋបាលឃុំរមាំងថ្កោល ដើម្បីដោះស្រាយពេលក្រោយតាមច្បាប់៕

ដោយ៖ យឹម  សុថាន