ខេត្តកំពង់ស្ពឺ ៖ មុខសញ្ញាក្មេងទំនើង៤នាក់ដែលតែងតែប្រើប្រាស់គ្រឿងញៀនដេីរលេងពពាក់ពពូនពេលយប់គ្មានគោលដៅមិនចូលផ្ទះ និងចូលចិត្តប្រេីហិង្សាត្រូវបានកម្លាំងនគរបាលស្រុកសំរោងទងធ្វើការឃាត់ខ្លួននៅពេលចុះល្បាត។ ហេតុការណ៍នេះបានកើតឡើងកាលពីវេលាយប់រំលងអធ្រាត្រឈានចូលថ្ងៃទី២៩ ខែតុលា ២០២១ នៅចំណុចភូមិដែកភ្លើង ឃុំរលាំងគ្រើល ស្រុកសំរោងទង ខេត្តកំពង់ស្ពឺ។
សមត្ថកិច្ចបានឱ្យដឹងថា ក្មេងទំនើងទាំង៤នាក់ខាងលើមាន១-ឈ្មោះ ជិន សុធន់ ភេទប្រុស អាយុ១៩ឆ្នាំ រស់នៅភូមិព្រៃស្យា ឃុំសែនដី ស្រុកសំរោងទង,
២-ឈ្មោះ ធី ចាន់សុវណ្ណ ហៅភីន ភេទប្រុស អាយុ១៦ឆ្នាំ រស់នៅភូមិព្រៃស្យា ឃុំសែនដី ស្រុកសំរោងទង ដកហូតបានកាំបិតផ្គាក់១ និងម៉ូតូ១គ្រឿងម៉ាកហុងដា សេ១២៥ ស៊េរីឆ្នាំ២០២០ ពណ៌ខ្មៅ ពាក់ស្លាកលេខកំពង់ស្ពឺ 1Q-0276, ៣-ឈ្មោះ សាត សឺ ភេទប្រុស អាយុ១៧ឆ្នាំ រស់នៅភូមិសំរោងជើងភ្នំ ឃុំសែនដី ស្រុកសំរោងទង, ៤-ឈ្មោះ រុន ដារ៉ូ ភេទប្រុស អាយុ១៨ឆ្នាំ រស់នៅភូមិបន្លាស្អិត ឃុំរលាំងចក ស្រុកសំរោងទង។
ក្រោយឃាត់ខ្លួនបានដកហូតម៉ូតូចំនួន ២គ្រឿង ក្នុងនោះ១គ្រឿងម៉ាកហុងដា ស៊េរីឆ្នាំ២០១៦ ពណ៌ក្រហម គ្មានស្លាកលេខ និង១គ្រឿងទៀតម៉ាកហុងដា ស៊េរីឆ្នាំ២០២១ ពណ៌ខ្មៅ គ្មានស្លាកលេខ ។
បច្ចុប្បន្នជំនាញបានបន្ដសាកសួរនិងអញ្ជេីញអាណាព្យាបាលមកទទួលយកទៅអប់រំនិងធ្វើកិច្ចសន្យាធានា បើក្នុងករណីនៅតែបន្ដធ្វេីសកម្មភាពសមត្ថកិច្ចនឹងមានចំណាត់ការតាមផ្លូវច្បាប់៕
ដោយ ៖ ស សម
