ខ្សែបម្រើប្រយុទ្ធ Lorenzo Insigne បានស៊ុតបញ្ចូលទីបាន២គ្រាប់ដោយបាល់ប៉េណាល់ទី ខណៈដែល ក្រុម Napoli ត្រឡប់មកឈរកំពូលតារាង Serie A វិញ ដោយមានពិន្ទុស្មើគ្នាជាមួយនឹងក្រុម AC Milan ដែលមិនធ្លាប់ចាញ់ដូចគ្នា បន្ទាប់ពីយកឈ្នះលើក្រុម Bologna ក្នុងផ្ទះ ៣-០ កាលពីរាត្រីថ្ងៃព្រហស្បតិ៍ទី២៨ ខែតុលា។
ខ្សែបម្រើសញ្ជាតិអេស្ប៉ាញ Fabian Ruiz បានបើកការស៊ុតបញ្ចូលទីបើកឆាកនៅនាទីទី១៨ នៅកីឡដ្ឋាន Diego Armando Maradonaដោយជើងឆ្វេងស៊ុតចូលជ្រុងកំពូលពីក្រៅប្រអប់ ដែលធ្វើឲ្យអ្នកចាំទី Lukasz Skorupski គ្មានឱកាសចាប់បាល់បាន។
ប្រធានក្រុមកីឡាករ Insigne រកបាន២គ្រាប់បន្ថែមទៀតនៅនាទីទី៤១បន្ទាប់ពីការសម្រេចចិត្តរបស់ វីដេអូ VAR បានបញ្ជាក់ថា ខ្សែការពារកណ្តាលរបស់ឈីលី Gary Medel បានគ្រប់គ្រងបាល់នៅក្នុងតំបន់ក្រោមសម្ពាធពី Victor Osimhen ។ ចំណែកគ្រាប់បាល់ទី២របស់ Insigne រកបាននៅនាទីទី៦២ ដោយបាល់ប៉េណាល់ទី។
លោក Luciano Spalletti គ្រូបង្វឹករបស់ក្រុម Napoli បានអវត្តមានពីទីលានប្រកួត ខណៈដែលលោកបានជាប់បម្រាមលើខ្សែការពារបន្ទាប់ពីត្រូវបានបណ្តេញចេញក្នុងការប្រកួតស្មើ ០-០ នៅលើទឹកដី Roma កាលពីថ្ងៃអាទិត្យមុន។
បច្ចុប្បន្ន Napoli ឈ្នះ៩ដង និងស្មើ១ប្រកួត ហើយលទ្ធផលកាលពីថ្ងៃព្រហស្បតិ៍បានបង្កើនការមិនស្គាល់ចាញ់របស់ពួកគេនៅក្នុងផ្ទះក្នុង SerieA ដល់១៦ប្រកួត។ ចំណែកក្រុម Bologna បានធ្លាក់មកលេខ១២ក្នុងតារាងលីគកំពូលអុីតាលីក្រោយពីចាញ់ Napoli ៕
ដោយ៖ ភារៈ(រូបភាព ៖ Reuters)
