ភ្នំពេញ ៖ នៅល្ងាចថ្ងៃទី៣១ ខែតុលា ឆ្នាំ២០២១ នេះ លោក ស សុខា រដ្ឋលេខាធិការ ក្រសួងអប់រំ យុវជននិងកីឡា ក្នុងនាមប្រធានសហព័ន្ធកីឡាសិស្ស និស្សិតកម្ពុជា បានបន្តចូលរួមថ្ងៃទី៣ (ថ្ងៃបញ្ចប់) មហាសន្និបាតកីឡាសាកលវិទ្យាល័យអន្តរជាតិ (FISU) លើកទី៣៧ ឆ្នាំ២០២១ តាមប្រព័ន្ធវីដេអូ Zoom ។

លោក ស សុខា រដ្ឋលេខាធិការ ក្រសួងអប់រំ យុវជននិងកីឡា មហាសន្និបាតនេះ មានការចូលរួមពីសមាជិកសហព័ន្ធកីឡាសាកលវិទ្យាល័យជាតិ ចំនួន ១៧៤ និងមានគោលបំណងសំខាន់ ៣ ដូចខាងក្រោម ៖

១. ជួបជុំគ្នារៀងរាល់ ២ឆ្នាំម្តង និងប្រមូលផ្តុំប្រជុំសហព័ន្ធកីឡាជាតិ ចំនួន ១៧៤ របស់សហព័ន្ធជាសមាជិក

២. បោះឆ្នោតជ្រើសរើសគណៈកម្មាធិការប្រតិបត្តិសហព័ន្ធកីឡាសាកលវិទ្យាល័យអន្តរជាតិ (FISU) សម្រាប់រយៈពេល ៤ឆ្នាំ

៣. អនុម័តថវិកា និងកម្មវិធីដែលស្នើឡើងដោយគណៈកម្មាធិការសហព័ន្ធ ៕

 

ដោយ, សិលា