ខេត្តកំពង់ចាម ៖ នៅថ្ងៃទី០១ ខែវិច្ចិកា ឆ្នាំ២០២១ នាសាលប្រជុំនៃស្នងការដ្ឋាន
លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការការងារនគរបាល និងសហគមន៍ប្រចាំខែតុលា លេីកទិសដៅអនុវត្តនបន្ត និងផ្សព្វផ្សាយការងារចាំបាច់មួយចំនួន ។
សមាសភាពចូលរួម៖ លោក-លោកស្រី ស្នងការរង លោកអនុប្រធានផែន លោក-លោកស្រីនាយការិយាល័យជំនាញ លោកអធិការនគរបាលស្រុក-ក្រុង លោក-លោកស្រី អធិការរងទទួលដឹកនាំផែនការងារសេនាធិការ-ការងារអត្តសញ្ញាណកម្ម និងការងារអគ្គិភ័យ ។
ក្នុងកិច្ចប្រជុំនេះផងដែរ លោកឧត្តមសេនីយ៍ទោ ឯម កុសល មានប្រសាសន៍ ថា៖ គ្រប់ការិយាល័យជំនាញ គ្រប់អធិការដ្ឋានក្រុង/ស្រុកទាំងអស់ ត្រូវយកចិត្តទុក្ខដាក់ ខ្ពស់រាល់សភាពការណ៍ដែលកើតឡើងចំពោះមុខ ទាំងការងារសេនាធិការ ,ការងារសន្តិសុខ ,ការងារទប់ស្កាត់បទល្មើស, ការងាររក្សាសន្តិសុខសណ្តាប់ធ្នាប់សាធារណៈ ជូនប្រជាពលរដ្ឋ,ធ្វើការផ្សព្វផ្សាយជូនប្រជាពលរដ្ឋ និងប្រមូលពត៌មានឲ្យបានច្បាស់ដើម្បីធ្វើការដោះស្រាយ ។ ជាពិសេសខ្លួនជាកងកម្លាំងនគរបាលជាតិត្រូវមានវិន័យ មានក្រមសីធម៍ វិជ្ជាជីវៈជាមន្រ្តីនគរបាលជាតិ និងត្រូវគោរពឲ្យបាននូវវិន័យលេខ០០៦ ដែលជាវិន័យរបស់កងកម្លាំង ៕
ដោយ៖ វណ្ណៈ
