ភ្នំពេញ៖ ក្រសួងទេសចរណ៍បានសម្រេចឲ្យមាន ការបើកដំណើរការអាជីវកម្មបៀរហ្គាឌិនវិញនៅទូទាំងប្រទេស តាមការឯកភាពរបស់នាយករដ្ឋមន្ត្រី កម្ពុជា សម្តេចតេជោ ហ៊ុនសែន។
សូមបញ្ជាក់ថា, ក្នុងលិខិតចុះថ្ងៃទី៣ ខែវិច្ឆិកា ឆ្នាំ២០២១ រដ្ឋមន្ត្រី ក្រសួងទេសចរណ៍លោក ថោង ខុន បានជម្រាប អភិបាលខេត្តរាជធានីទាំងអស់ ឱ្យអនុញ្ញាតបើក ដំណើរការអាជីវកម្មបៀរហ្គាឌិនវិញ តែតម្រូវឲ្យ ពិនិត្យលើវិធានការសុវត្ថិភាពទេសចរណ៍ និងនីតិ វិធីប្រតិបត្តិស្តង់ដាអប្បបរមា តាមគន្លងប្រក្រតីភាពថ្មី សម្រាប់អាជីវកម្ម។
ទោះជាយ៉ាងណាលោក ថោង ខុន បានឲ្យបន្ត តាមដានសកម្មភាពអាជីវកម្មជាប្រចាំដើម្បីចូល រួមទប់ស្កាត់ការឆ្លងរីករាលដាលនៃជំងឺកូវីដ-១៩ ផងដែរ។
កាលពីថ្ងៃទី១ ខែវិច្ឆិកា ឆ្នាំ២០២១ នាយករដ្ឋ មន្ត្រីកម្ពុជា សម្តេចតេជោ ហ៊ុន សែន បាន សម្រេចបើកប្រទេសលើគ្រប់វិស័យឡើងវិញ បន្ទាប់ពីសម្រេចជោគជ័យនៃយុទ្ធនាការចាក់វ៉ាក់ សាំងប្រឆាំងជំងឺកូវីដ-១៩ ឲ្យអត្រានៃការឆ្លងជំងឺ នេះកាន់តែថមថយទៅ៕
ដោយ, សិលា
