ខេត្តត្បូងឃ្មុំ៖ នៅថ្ងៃទី៧ ខែមេសា ឆ្នាំ២០១៦ លោក ថោ ជេដ្ឋា រដ្ឋលេខាធិការក្រសួងធនធានទឹក និងឧតុនិយម បានដឹកនាំក្រុមការងារបច្ចេកទេស ចុះត្រួតពិនិត្យការដ្ឋានសាងសង់ទំនប់អាងទឹក តាវ៉ាន់ ស្ថិតក្នុងតំបន់រដ្ឋបាលថ្មីខេត្តត្បូងឃ្មុំ ។

សូមបញ្ជាក់ផងដែរថា បន្ទាប់ពីបានចាប់ដំណើរការបើកការដ្ឋាន កាលពីថ្ងៃទី១២ ខែកុម្ភៈ ឆ្នាំ២០១៦ មកដល់ពេលនេះ ការងារសាងសង់ទំនប់អាងទឹក តាវ៉ាន់ សម្រេចបានប្រមាណ ៣៥ភាគរយហើយ ។ នៅពេលសាងសង់រួច អាងទឹក តាវ៉ាន់ នឹងមានលទ្ធភាពស្តុកទឹកបានប្រមាណ ៣លានម៉ែត្រគូប សម្រាប់បម្រើដល់ការប្រើប្រាស់ក្នុងជីវភាពរស់នៅប្រចាំថ្ងៃ របស់បងប្អូនប្រជាពលរដ្ឋនៅតំបន់នោះ ៕

ដោយ៖ សីលា