ភ្នំពេញ៖ កម្មករយ៉ាងតិចជិត៤០០នាក់បម្រើការងារនៅក្នុងរោងចក្រដេក្វាងហ្គាមេន ខូ., អិលធីឌី ដែលស្ថិតក្នុងសួនកាណាឌីយ៉ា ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ កាលពីវេលាម៉ោង៦និង១៥នាទីព្រឹកថ្ងៃទី៩ ខែមេសា ឆ្នាំ២០១៦ នាំគ្នាឆ្ងល់ហេតុអ្វីក៏ខាងក្រុមហ៊ុនបិទទ្វាមិនអនុញ្ញាតឲ្យកម្មករចូលធ្វើការដូចសព្វមួយដង។
កម្មករជាច្រើននាក់បាននិយាយថា ថៅកែរោងចក្របានបិទទ្វារនិងគេចខ្លួនបាត់ស្រមោលអស់ហើយ ដូច្នេះពួកគេជាច្រើននាក់អ្នកខ្លះក៏មិនទាន់បានទទួលប្រាក់បៀវត្តនិងសូមឲ្យមានអន្តរាគមន៍ដោះស្រាយពីមន្ត្រីពាក់ព័ន្ធ សម្រួលដល់ពួកគេផង ដើម្បីបានទទួលប្រាក់សម្រាប់ថ្ងៃបុណ្យចូលឆ្នាំប្រពៃណីជាតិ ដែលនឹងប្រព្រឹត្តទៅនាពេលខាងមុខ៕
ដោយ៖ សុខ ខេមរា
...
