ខេត្តរតនគិរី៖ រដ្ឋបាលខេត្តរតនគិរីរៀបចំការប្រឡងជ្រេីសរេីសមន្ត្រីរាជការសុីវិល ក្របខណ្ឌក្រសួងមហាផ្ទៃ ។
នៅព្រឹកថ្ងៃទី២៨ ខែវិច្ឆិការ ឆ្នាំ២០២១ នៅមណ្ឌលប្រឡងក្នុងវិទ្យាល័យសម្តេចឪ សម្តេចម៉ែ មានរៀបចំការប្រឡងជ្រេីសរេីសមន្ត្រីរាជការសុីវីលក្របខណ្ឌក្រសួងមហាផ្ទៃ ឡេីងវិញបន្ទាប់ពីផ្អាកជ្រេីសរេីសមន្រ្តីរដ្ឋមួយរយ:កន្លងមកនេះ ដោយសារបញ្ហាវីរុសកូវីដ១៩បានរីករាលដាលទូទាំងប្រទេស។
ការប្រឡងនេះ បានប្រព្រឹត្តទៅក្រោមវត្តមានលោកគិត ទ្រីអភិបាលរងខេត្តតំណាងឯកឧត្តម ញ៉ែម សំអឿន អភិបាលនៃគណៈអភិបាលខេត្ត រតនគិរីបានអញ្ជើញអធិបតីក្នុងការបើកវិញ្ញាសារប្រលង។
លោកអភិបាលរងខេត្តបានស្នើដល់បេក្ខជនប្រលងត្រូវប្រើសមត្ថភាពផ្ទាល់ខ្លួនយ៉ាងពិតប្រាកដក្នុងការទប់ស្កាត់អំពើពុករលួយផ្សេងៗដែលនាំឱ្យខាតប្រយោជន៍ខ្លួននាពេលខាងមុខ។
លោកអភិបាលរងខេត្តបានជម្រាបជូនដល់បេក្ខជននិងបេក្ខនារីថាដើម្បីធានាបាននូវសុវត្ថិភាពនិងទប់ស្កាត់ការរីករាលដាលនៃជំងឺកូវីដ១៩ នៅក្នុងដំណើរការប្រឡងគណៈកម្មាធិការរៀបចំការប្រលងបានតម្រូវបេក្ខជននិងបេក្ខនារីត្រូវពាក់កាតចាក់វ៉ាក់សាំងការពារជំងឺកូវីដ១៩ឱ្យបានគ្រប់ៗគ្នាបើបេក្ខជនណាដែលមិនមានកាតចាក់វ៉ាក់សាំងការពារជំងឺកូវីដ១៩ គឺមិនអនុញ្ញាតឱ្យចូលក្នុងមណ្ឌលប្រឡងឬបន្ទប់ប្រឡងឡើយ។
លោកក៏បានណែនាំដល់មន្ត្រីដែលមានតួនាទីភារកិច្ចធ្វើជាគណៈកម្មការអនុគណៈកម្មការក្នុងការប្រឡងត្រូវយកចិត្តទុកដាក់អនុវត្តតាមតួនាទីភារកិច្ចតាមដំណាក់កាលនិមួយៗ ប្រសិនបើមានកិច្ចការលើសពីដែនសមត្ថកិច្ចទទួលខុសត្រូវត្រូវស្នើសុំទៅប្រធានគណៈកម្មការដើម្បីរួមគ្នាដោះស្រាយឱ្យបានទាន់ពេលវេលាតាមគោលការណ៍និងលក្ខន្តិកៈនៃការប្រឡង។
គណៈកម្មការរៀបចំការប្រឡងបានលើកឡើងនៅក្នុងមណ្ឌលប្រឡងព្រឹកថ្ងៃទី២៨នេះ ថា កាប្រឡងមានរយ:ពេលតែជិត២ម៉ោងប៉ុណ្ណោះ។
ចំណែកមុខវិជ្ជាដែលត្រូវប្រឡងគឺមានចំនួន២ មុខវិជ្ជាជំនាញឯកទេសនិងភាសាអង់គ្លេស ដោយមានបេក្ខជនបេក្ខនារីចំនួន៩១នាក់
ចូលរួមប្រឡងផងដែរ៕
ដោយ ជីវ័ន្ត
