ភ្នំពេញ៖ បុរសម្នាក់បើករថយន្តកូរ៉ូឡាមួយគ្រឿងមិនប្រយ័ត្នបណ្ដាលឲ្យជ្រុលទៅបុករបាំងថ្មពុះចែកទ្រូងផ្លូវពេញទំហឹងឯរថយន្តមិនទាន់អស់ល្បឿនបានបន្តទៅមុខជិត១០០ម៉ែត្ររងការខូចខាតយ៉ាងដំណំទៅមុខលែងរួច។
ហេតុការនេះកើតឡើងកាលពីវេលាម៉ោង៨និង ៥០នាទីយប់ថ្ងៃទី ២៨ខែវិច្ឆិកាឆ្នាំ ២០២១ នៅចំណុចស្តុបត្រឡោកបែក តាមបណ្តោយផ្លូវ ៥៩៨កែងនឹងផ្លូវ ៣១៥ ស្ដិតនៅក្នុងសង្កាត់បឹងកក់ទី២ ខណ្ឌទួលគោករាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តកូរ៉ូឡាពណ៌មួយគ្រឿងពណ៌សំបកឪឡឹកពាក់ស្លាកលេខកំពង់ចាម2A-3793ធ្វើដំណើរតាមបណ្តោយផ្លូវ ៥៩៨ ទិសដៅពីត្បូងទៅជើង លុះមកដល់ចំណុចកើតហេតុខាងលើ កែងនឹងផ្លូវ៣១៥ បានរេចង្កូតមកខាងឆ្វេងដៃជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឲ្យរបាំងថ្មរងការខូចខាតបន្តិចបន្តួច ឯរថយន្តមិនទាន់អស់ល្បឿនបានបន្តទៅមុខប្រមាណជិត ១០០ ម៉ែត្ររងការខូចខាតផ្នែកខាងមុខយ៉ាងយ៉ាងដំណំទៅមុខលែងរួច។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយគ្នាតាមផ្លូវច្បាប់៕
ដោយ៖សុខាសែនជ័យ
