ភ្នំពេញ៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) បានបញ្ជាក់នៅលេីបណ្ដាញសង្គមហ្វេសប៊ុកផ្ទាល់ខ្លួន នៅព្រឹកថ្ងៃអង្គារទី១៤ ខែធ្នូ ឆ្នាំ២០២១នេះថា៖ មានយុវជននិងប្រជាពលរដ្ឋកម្ពុជា ព្រមទាំងជនបរទេសខ្លះ នៅតែលេីកសំនួរដដែលៗថា ហេតុអីកម្ពុជាមានសង្គ្រាម? តេីសង្គ្រាមបង្កឱ្យបាត់បង់អ្វីខ្លះ? តេីអ្នកណាជាអ្នកទទួលខុសត្រូវចំពោះការខូចខាតប្រទេសនិងស្លាប់ប្រជាពលរដ្ឋខែ្មរស្លូតត្រង់រាប់លាននាក់? មានសំនួរជាច្រេីនទៀតត្រូវតែមានចម្លេីយសមស្របសំរាប់ជាការឆ្លុះបញ្ចាំងការពិតផង ជាឯកសារប្រវត្តិសាស្ត្រផង ជាភស្តុតាងជាក់ស្តែង ទុកជាការអប់រំនិងពិសោធន៍សំរាប់ប្រជាពលរដ្ឋនិងសង្គមខែ្មរទាំងមូលក៏ដូចជាបរទេសខ្លះ បានដឹងនិងចងចាំផងដែរ។
អគ្គនាយកស៊ីម៉ាក់រូបនេះ បានគូសបញ្ជាក់ថា ខ្ញុំយល់ថាប្រទេសជាតិនេះ ត្រូវការចាំបាច់ក្នុងការបង្កេីត”សារមន្ទីសង្គ្រាម” កំរិតជាតិមួយជាពិសេសនៅភ្នំពេញ ដេីម្បីជាប្រភពចំណេះដឹងសំរាប់មនុស្សគ្រប់ជំនាន់ក្រោយៗទៀតស្វែងយល់រៀនសូត្រនិងរំលឹកនូវសោកវិនាសកម្មសង្គ្រាមនៅសម័យទំនេីបសតវត្សរ៍ទី២០កន្លងទៅថ្មីៗនេះ! ។
នៅចំពោះមុខនេះ អង្គភាពសុីម៉ាក់បានរៀបចំសារមន្ទីរសន្តិភាពសកម្មភាពកំចាត់មីននៅខេត្តសៀមរាប ដែលអាចស្វែងយល់បានពីសកម្មភាពរំដោះបញ្ហាគ្រាប់មីននិងសំណល់យុទ្ធភណ្ឌសង្គ្រាមនៅកម្ពុជា! ៕
ដោយ៖ស តារា
