ខេត្តត្បូងឃ្មុំ ៖ កាលពីព្រឹកថ្ងៃទី២២ ខែកក្កដា ឆ្នាំ២០១៥ នៅបញ្ជាការដ្ឋានកងរាជ អាវុធហត្ថខេត្តត្បូងឃ្មុំ មានរៀបចំពិធី រំលឹកខួបអនុស្សាវរីយ៍លើកទី២២ ទិវា កងរាជអាវុធហត្ថ (១៤កក្កដា១៩៩៣- ១៤កក្កដា២០១៥)និងចែកអំណោយដល់គ្រួសារ សោធន ពលី ក្រោមអធិបតីភាពលោកឧត្ដម សេនីយ៍ត្រី វ៉ា សារិទ្ធ មេបញ្ជការរងកងរាជអាវុធហត្ថខេត្តត្បូងឃ្មុំនិងលោកមេបញ្ជាការរង.ព្រមទាំងមានការចូលរួមពីនាយ.នាយរង ពល អាវុធហត្ថ ជាច្រើនរូប ទៀត ។
លោកឧត្តមសេនីយ៍ វ៉ា សារិទ្ធ បានថ្លែងឱ្យដឹងថា ថ្ងៃនេះកងរាជអាវុធ ហត្ថខេត្តត្បូងឃ្មុំ មានក្ដីរំភើបសោមនស្សរីករាយបាន រំលឹកខួបអនុស្សាវរីយ៍លើកទី២២របស់ ខ្លួន ដែលពិធីនេះប្រព្រឹត្ដស្របពេលស្ថាន ការណ៍ព្រះរាជាណាចក្រកម្ពុជាទទួលបាន សុខសន្ដិភាព ពង្រឹងស្ថិរភាពនយោបាយ សន្ដិសុខ សណ្ដាប់ធ្នាប់សង្គមល្អប្រសើរ ។ ការប្រារឰពិធី នេះឡើង ក្នុងគោលបំណងរំលឹកឡើង វិញនូវអនុស្សាវរីយ៍ជាប្រវត្ដិសាស្ដ្រ ថ្ងៃ បដិសន្ធិកសាង អភិវឌ្ឍន៍ ស្ថាប័នកង រាជអាវុធហត្ថ ។ ម្យ៉ាងទៀតគឺដើម្បីបូក សរុបសមិទ្ធផល បទពិសោធន៍ ស្នាដៃ ដ៏ត្រចះត្រចង់ប្រកបដោយមោទនភាព របស់យុទ្ធជន យុទ្ធនារី កងរាជអាវុធហត្ថ ដែលបានប្រយុទ្ធប្រឆាំងបទល្មើសដើម្បី បុព្វហេតុសន្ដិសុខ សណ្ដាប់ធ្នាប់សង្គម ជូនប្រជាពលរដ្ឋ និងកសាងនីតិរដ្ឋក្នុងព្រះរាជាណាចក្រកម្ពុជាឲបានរឹងមាំល្អ ពិសេសផ្តេជ្ញារការពារ ហើយប្រឆាំងដាច់ខាតចំពោះជនអគតិណាដែលព្យាយាមប៉ុនប៉ងចង់ផ្តួលរំលំរាជរដ្ឋាភិបាល។ស្របច្បាប់ដែលកើតចេញពីការបោះឆ្នោតដោយលទ្ធិប្រជាធិប្បតេយ្យ។
ក្នុងមតិសំណេះសំណាលនាឱកាស នោះលោកឧត្ដមសេនីយ៍ វ៉ា សារិទ្ធ បាន នាំមកនូវសារលិខិត ការសាកសួរសុខទុក្ខនឹង និងកោតសរសើរ ពីសំណាក់ លោកនាយឧត្តសេនីយ៍ផ្កាយមាស៤ សៅ សុខា អគ្គមេបញ្ជាការរងកងយោធពលខេរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស និង លោកជំទាវ ដល់នាយ នាយរង ពលអាវុធហត្ថផងដែរ។
នាឱកាសនោះលោកឧត្តមសេនីយ៍មេបញ្ជាការក៍បានចែកជូននូវអំណោយដល់គ្រួសារ យុទ្ធជន យុទ្ធនារី ដែលសោធន ពលី ១៤គ្រួសារ ដោយ១គ្រួសារទទួលបាន អង្ករ១បេ,មី១កេស,ប៊ីចេង១កញ្ចប់ធំ,ត្រីខ១យួ,ទឹកត្រី១យួ,ទឹកសីុអាវ១យួ,និងថវិការ១៥មឺុនរៀលផងដែរ។
គួរំលឹកថា ផ្អែកតាមការស្រាវជ្រាវកង រាជអាវុធហត្ថខ្មែរបានបង្កើតឡើងជំនាន់ ព្រះរាជាណាចក្រទី១ ថ្ងៃទី២២កញ្ញា ឆ្នាំ១៩៥៧ ក្រោយមកបានប្ដូរឈ្មោះ ជាកងរាជអាវុធហត្ថជាតិថ្ងៃទី៦តុលា ឆ្នាំ១៩៧១ ។ រហូតដល់ឆ្នាំ១៩៩៣ ស្រប នឹងនយោបាយបង្រួបបង្រួមជាតិ និងការ បញ្ចូលកម្លាំងប្រដាប់អាវុធនៃភាគីជម្លោះ ក្នុងរចនាសម្ព័ន្ធចាត់តាំង ថ្ងៃទី១៤ កក្កដា ឆ្នាំ១៩៩៣ កងរាជអាវុធហត្ថមានតួនាទី ភារកិច្ចត្រឹមតែជាតម្រួតយោធា រហូត ដល់ថ្ងៃទី១០ ខែសីហា ឆ្នាំ២០០៧ កង រាជអាវុធហត្ថទទួលបាននីតិសម្បទាជា នគរបាលយុត្ដិធម៌ពេញលេញ ដែលជា ជំនួយអំណាចតុលាការ មានភារកិច្ចធ្វើ ការងារត្រួតពិនិត្យបទល្មើសព្រហ្មទណ្ឌ ៕វណ្ណះ
