សៀមរាបៈសម្តេចតេជោ ហ៊ុន សែន បានមានប្រសាសន៍ថាៈ ទន្ទឹមនិងការសប្បាយរីករាយក្នុងពិធីបុណ្យចូលឆ្នាំថ្មីនេះ ក៏មានបងប្អូនប្រជាពលរដ្ឋយើងនៅចាក់អង្រែលើ ខណ្ឌមានជ័យ រាជធានីភ្នំពេញកំពុងរងទុក្ខដោយសារភ្លើងឆេះផ្ទះអស់ទាំងស្រុង។ ដោយសម្តេចថ្លែងទៀតថាៈ ខ្ញុំនិងភរិយា សូមចូលរួមសោកស្តាយចំពោះការបាត់បង់របស់បងប្អូន។ ខ្ញុំបានបញ្ជាអាជ្ញាធរមានសមត្ថកិច្ចជួយសម្រួលដល់បងប្អូនទាំងអស់ នូវជំនួយសង្គ្រោះបន្ទាន់ចាំបាច់នានា និង ទីកន្លែងស្នាក់នៅបណ្តោះអាសន្នជូនបងបងប្អូន។
ឆ្លៀតក្នុងឱកាសនេះ ខ្ញុំសូមអំពាវនាវជាថ្មីម្តងទៀត សូមបងប្អូនប្រជាពលរដ្ឋមានការប្រយ័ត្នប្រយែងចំពោះអគ្គីភ័យ នៅពេលអុជធូបទៀនក្នុងពិធីបុណ្យចូលឆ្នាំ។ ព្រោះកំទេចភ្លើងពីធូបទៀនអាចឆេះបំផ្លាញផ្ទះសម្បែងបាន។ ការពារប្រសើរជាងព្យាបាល សូមកុំអោយពិធីបុណ្យចូលឆ្នាំ ក្លាយជាគំនរទុក្ខ ដែលសោកស្តាយអស់មួយជីវិត៕
សុខ ខេមរា
...
