ខេត្តស្វាយរៀង:បុរស២នាក់បានរបួសធ្ងន់ស្រាលដោយសារគ្រោះថ្នាក់ចរាចរណ៏ជិះម៉ូតូបត់ឆ្វេងឆ្លងផ្លូវខ្វះការប្រុងប្រយត្ន័បុកម៉ូតូបញ្ច្រាស់គ្នាពេញទំហឹងបណ្ដាលអោយដួលរណូករណែលពេញផ្លូវទាំងថ្ងៃ។
ហេតុការណ៏នេះបានកើតឡើងកាលពីវេលាម៉ោង ១១និង៤០នាទី ថ្ងៃទី២៦ ខែធ្នូ ឆ្នាំ២០២១ លើផ្លូវជាតិលេខ ០១ គីឡូម៉ែត្រ ១៣៩-១៤០ ស្ថិតក្នុងភូមិ ថ្នល់កែង ឃុំ កណ្ដៀងរាយ ស្រុកស្វាយទាប ខេត្ត ស្វាយរៀង ។
យោងតាមសមត្ថកិច្ចនគរបាលស្រុកបានអោយដឹងថាបុរសបង្កហេតុមាន
ឈ្មោះ គិន ជាតិ អាយុ ៤១ ឆ្នាំ មុខរបរ សំណង់ រស់នៅភូមិ ព្រៃ ឃុំ ប្រសូត្រ ស្រុក ស្វាយទាប ខេត្ត ស្វាយរៀងជិះម៉ូតូម៉ាក ហុងដាឌ្រីម សេ១២៥ ពណ៏ ខ្មៅ សេរីឆ្នាំ២០១៥ ពាក់ស្លាកលេខ ស្វាយរៀង ១E ១៣៥៧ ។
ចំណែកភាគីរងគ្រោះមានឈ្មោះព្រំ ថន អាយុ ៦៨ ឆ្នាំ មុខរបរ កសិករ រស់នៅភូមិ ព្រៃស្ទៀង ឃុំ ស្វាយតាយាន ស្រុក កំពង់រោទិ៍ ខេត្ត ស្វាយរៀងបើកម៉ូតូម៉ាក
ហុងដាសេ ១២៥ ពណ៏ ខ្មៅ សេរីឆ្នាំ២០១៥ ពាក់ស្លាកលេខ ស្វាយរៀង ១G ៩៥១៧ ។
តាមអ្នកភូមិបានអោយដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដាឌ្រីម សេ១២៥ ពណ៏ ខ្មៅ សេរីឆ្នាំ២០១៥ ពាក់ស្លាកលេខ ស្វាយរៀង ១E ១៣៥៧ លើផ្លូវជាតិលេខ ០១ក្នុងទិសដៅពីកេីតទៅលិចហើយក៏បានបត់ឆ្វេងឆ្លងផ្លូវខ្វះប្រុងប្រយត្ន័ស្រាប់តែមានម៉ូតូម្ខាងទៀត ម៉ាក ហុងដាសេ ១២៥ ពណ៏ ខ្មៅ សេរីឆ្នាំ២០១៥ ពាក់ស្លាកលេខ ស្វាយរៀង ១G ៩៥១៧ បើកបរពីលិចទៅកេីតបញ្ច្រាស់គ្នាពេញទំហឹង
បណ្ដាលអោយដួលរណូករណែលពេញផ្លូវទាំងថ្ងៃបង្កការភ្ញាក់ផ្អើលដល់អ្នកភូមិចោមរោមមើលនិងដឹកតាមម៉ូតូយកទៅសង្គ្រោះនៅមន្ទីពេទ្យបង្អែកស្រុកស្វាយទាប។
ចំណែកវត្ថុតាងមធ្យោបាយធ្វើដំណើរទាំង២គ្រឿងសមត្ថកិច្ចវាស់វែងនិងអូសយកមករក្សាទុកនៅអធិការដ្ឋាននគរបាលស្រុកស្វាយទាប ដើម្បីដោះស្រាយពេលក្រោយតាមច្បាប់។
