ខេត្តកំពង់ធំៈ បុរសអតីតៈជាប្តី ខឹងតាមសុំប្រពន្ធជានាគ្នាវិញនាងមិនព្រម កើតក្តីក្តៅក្រហាយ និងគិតខ្លីមិនចង់ឃើញប្រពន្ធបានទៅអ្នកផ្សេង ក៏សម្រេចប្រើកាំបិតជំពុះទុងចាក់សម្លាប់ប្រពន្ធ នឹងឪពុកក្មេក ជនសង្ស័យស្មានថា ប្រពន្ធនិងឪពុកក្មេកស្លាប់ហើយ ក៏រត់ទៅចាក់សម្លាប់ខ្លួនឯងតែម្តង។
ហេតុការណ៍ខាងលើនេះបានកើតឡើងកាលពីវេលាម៉ោង២១និង០៤នាទីថ្ងៃទី១៥ ខែមេសា ឆ្នាំ២០១៦ ឋិតនៅចំនុចភូមិពពេច ឃំុចុងដូង ស្រុកបារាយណ៍ ខេត្តកំពង់ធំ ។
ជនសង្ស័យឈ្មោះ ស្វាយ ឃុន ប្រុស រស់នៅភូមិយាយទៀង ឃំុ បល្ល័ង្គ ស្រុកបារាយណ៍ បានយកកាំបិតជំពុះទង់ ចាក់ទៅលើអតីតៈប្រពន្ធនិងឪពុកក្មេក យ៉ាងកម្រោលចូល។ ដោយឡែកជនរងគ្រោះមានឈ្មោះ ឈួន រដ្ឋា ភេទស្រី អាយុ២៥ឆ្នាំ រស់នៅភូមិកើតហេតុបានរងនូវកាំបិតជំពុះទុងចាក់ត្រូវពីរកន្លែង គឺចំណុចគល់ដោះ និងបោះដៃផុតនាងអតីតៈ(ប្រពន្ធ)របួសធ្ងន់ ។ ម្នាក់ទៀតឈ្មោះឈួន កឿន អាយុ៤៤ឆ្នាំ រស់នៅភូមិជាមួយគ្នា ចាក់ត្រូវបីកន្លែង គឺត្រូវឆ្អឹងជំនី ស្មា និងភ្លៅ របួសធ្ងន់។ ក្រោយធ្វើសកម្មភាពរួចជនសង្ស័យបានរត់គេចខ្លួនបាត់ ពេលនោះកម្លាំងកងរាជអាវុធហត្ថនិងនគរបាលសហការគ្នាដេញតាមរហូតដលម៉ោង២៣និង១៥នាទីយប់ថ្ងៃដដែល ក៏ស្រាប់ឃើញជនសង្ស័យបានធ្វើអត្តឃាតគឺយកកាំបិតជំពុះទង់មកចាក់សម្លាប់ខ្លួនឯង បណ្តាលអោយស្លាប់នៅកន្លែងតែម្តង ៕
សុខ ខេមរា
