ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថាៈ នេះជាសក្ខីភាពនៃសន្តិភាពដែលផ្តល់ឱកាសឱ្យប្រជាជនយើងសប្បាយរីករាយក្នុងឱកាសចូលឆ្នាំថ្មី។ បើទោះស្ថិតក្រោមបាតុភូតនៃរលកកំដៅ និងគ្រោះថ្នាក់ខ្លះបណ្តាលមកពីអគ្គីភ័យ និងគ្រោះថ្នាក់ចរាចរណ៍ តែជាទូទៅប្រជាជនយើងបានចូលរួមកំសាន្តសប្បាយដោយគ្មានការភ័យខ្លាច។
សម្តេចតេជោ ហ៊ុន សែន បានមានប្រសាសន៍លើកឡើងបន្តថាៈ ឆ្នាំចាស់បានកន្លងហួសទៅហើយ នៅឡើយតែឆ្នាំថ្មីមកជំនួសជាមួយការងារជាច្រើនដែលត្រូវធ្វើដើម្បីនាំមកនូវជោគជ័យថ្មីៗជូនជាតិនិងប្រជាជនយើង។ រួមគ្នាធ្វើការដើម្បីសេចក្តីសុខ និងការរីកចំរើនសំរាប់ទាំងអស់គ្នា៕
ដោយ សុខ ខេមរា
...
