ភ្នំពេញ៖ កម្លាំងប៉ុស្តិ៍នគរបាលរដ្ឋបាល កាកាបទី១ ឃាត់ខ្លួនជនសង្ស័យម្នាក់ ករណីលួចគ្រឿងអលង្ការ ប្រព្រឹត្តនៅក្នុងផ្សារពោធិ៍ចិនតុង ភូមិប៉ប្រក់ខាងជើង សង្កាត់កាកាបទី១ ខណ្ឌពោធិ៍សែនជ័យ កាលពីថ្ងៃទី០១ ខែមករា ឆ្នាំ២០២២ វេលាម៉ោង១១ព្រឹក។ នេះបើយោងតាមប្រភពព័ត៌មានពីស្នងការដ្ឋាននគរបាលរាជធានីភ្នំពេញ ។
ប្រភពដដែលបន្តថា ជនសង្ស័យឈ្មោះ តី វណ្ណី ភេទស្រី អាយុ៣៥ឆ្នាំ មុខរបរកម្មកររោងចក្រ ស្នាក់នៅភូមិជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ។ ចំណែកជនរងគ្រោះ ឈ្មោះ សួង ដានី ភេទ ស្រី អាយុ ៣៨ឆ្នាំ មុខរបរ លក់ដូរ ស្នាក់នៅភូមិប៉ប្រក់ខាងជើង សង្កាត់កាកាបទី១ ខណ្ឌពោធិ៍សែនជ័យ។
ក្រោយឃាត់ខ្លួនជនសង្ស័យ កម្លាំងជំនាញបានចាប់យកវត្ថុតាំងរួមមាន៖ ខ្សែដៃ ចំនួន០១ខ្សែ និងចិញ្ចៀន ចំនួន ០១វង់។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌពោធិ៍សែនជ័យ ដើម្បីធ្វើការសាកសួរ និង ចាត់ការបន្តតាមនីតិវិធី៕
ដោយ៖សហការី
