មណ្ឌលគិរី៖ រថយន្តដឹកឈើប្រណិតមួយគ្រឿងត្រូវបានមន្រ្តីខណ្ឌរដ្ឋបាលព្រៃឈើមណ្ឌលគិរី ចាប់បង្ក្រាបបាន នៅចំនុចកែងផ្លូវបំបែកឆ្ពោះទៅព្រំដែនទ្វេរភាគីដាក់ដាំ ក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ កាលពីវេលាម៉ោង១១ ថ្ងៃទី២១ កក្កដា ២០១៥ ។
ប្រភពពីមន្រ្តីជំនាញដែលចុះបង្ក្រាបផ្ទាល់និយាយថា រថយន្តដឹកឈើល្មើសច្បាប់ ដែល ជំនាញ បង្ក្រាបបាននេះ គឺខណៈ ពេលដែលក្រុមឈ្មួញបម្រុងដឹកយកទៅលក់នៅតាមព្រំដែន ប៉ុន្តែ បែកការណ៏ដល់ជំនាញ ទើបឈានដល់ការចាប់បង្ក្រាបតែម្តង។ មន្រ្តីដដែលបាននិយាយថា រថយន្ត ខាងលើបានផ្ទុកពេញសុទ្ឋតែឈើប្រណិតប្រភេទធ្នង់ ដែលជាឈើកំពុងមានហាងឆេងនៅ ក្រៅ ប្រទេស ។
រថយន្តដឹកឈើប្រណិតល្មើសច្បាប់ដែលត្រូវចាប់បង្ក្រាបខាងលើម៉ាក Toyota Takoma ពណ៌ខ្មៅ ពាក់ស្លាក លេខ ភ្នំ ពេញ2J-5279 តែគេនៅ មិនទាន់ដឹងពីចំនួនឈើពិតប្រាកដទេ ព្រោះមន្រ្តីជំនាញកំពុង ធ្វើការ វាស់វែង ។ ចំនែកម្ចាស់រថយន្តឲ្យតែមានករណីបង្ក្រាបពីមន្រ្តី ជំនាញតែងចេះយុទ្ឋ សិល្ប៏បំបាំងកាយ ស្ទើរគ្រប់ករណីតែម្តង ពោលគឺមិនដែលចាប់ឃាត់ខ្លួនយកមកកសាងសំនុំរឿងម្តងណាឡើយ ៕ឦសាន
