ខេត្តស្វាយរៀង៖ សមត្ថកិច្ចនគរបាលឆ្មក់ចូលបង្រ្កាបចាប់ឃាត់ខ្លួនជនសង្ស័យម្នាក់ខណៈដែលកំពុងធ្វើសកម្មភាពចែកចាយគ្រឿងញៀន កាលពីវេលម៉ោង៤រសៀលថ្ងៃទី១៧ ខែមេសា ឆ្នាំ២០១៦ក្នុងផ្ទះជួលបន្ទប់លេខ១ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

ជនសង្ស័យមានឈ្មោះឃឹមធារ៉ា ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិបាវិតកណ្តាល សង្កាត់បាវិត ក្រុងបាវិត ដែលកំពុងធ្វើសកម្មភាពចែកចាយគ្រឿងញៀននៅក្នុងផ្ទះជួលបន្ទប់លេខ១ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត។

ខណៈនោះសមត្ថកិច្ចនគរបាលរឹបអូសបានវត្ថុតាងរួមមានថ្នាំញៀនប្រភេទម្សៅពណ័ស “ម៉ាទឹកកក”ចំនួន១០កញ្ចប់ ១កញ្ចប់ធំនិង៩កញ្ចប់ត្រូច ទូរសព្ទ័ដៃ២គ្រឿង ជញ្ជីងសម្រាប់ថ្លឹង១ ព្រមទាំងសម្ភារៈប្រើប្រាស់គ្រឿងញៀនមួយចំនួន។

បច្ចុប្បន្នជនសង្ស័យរួមទាំងវត្ថុតាងត្រូវបានសមត្ថកិច្ចនគរបាលកសាងសំណុំរឿងបញ្ជូនទៅតុលាការ៕

ដោយ៖ យឹម សុថាន