ខេត្តព្រះសីហនុ៖ កាលពីថ្ងៃទី១៨ ខែមេសា ឆ្នាំ២០១៦ វេលាម៉ោង៥ល្ងាច នៅចំណុក្រុមទី១១ ភូមិ៣ សង្កាត់៣ ខេត្តព្រះសីហនុ កម្លាំងជំនាញអធិការដ្ឋាននគរបាលក្រុងសហការជាមួយកម្លាំងការិយាល័យជំនាញនៃស្នងការដ្ឋាននគរបាលខេត្តបានឃាត់ខ្លួនជនសង្ស័យ២នាក់ ចែកចាយនិងប្រើប្រាស់គ្រឿងញៀន មានទី១-ឈ្មោះ ប៊ុន ឆាយ ហៅតាប៉ៃលើយ ភេទប្រុស អាយុ៤៩ឆ្នាំ មុខរបរមិនពិតប្រាកដ រស់នៅក្នុងក្រុមទី១១ ភូមិ៣ សង្កាត់៣ ខេត្តព្រះសីហនុ ជាអ្នកចែកចាយ និងទី២-ឈ្មោះ ឆេង ឡុង ភេទប្រុស អាយុ២៣ឆ្នាំ មុខរបរកម្មករសំណង់ រស់នៅក្នុងក្រុមទី១១ ភូមិ៣ សង្កាត់៣ ខេត្តព្រះសីហនុ ជាអ្នកប្រើប្រាស់ ។
នគរបាលបញ្ជាក់ថា ជាមួយការចាប់ខ្លួនជនសង្ស័យទាំង២នាក់ខាងលើនោះសមត្ថកិច្ចបានដកហូតថ្នាំញៀនប្រភេទម្សៅក្រាមពណ៌ស ហៅម៉ាទឹកកក៤កញ្ចប់តូច,កញ្ឆាក្រៀម១កញ្ចប់តូច និងសម្ភារសម្រាប់ប្រើប្រាស់គ្រឿងញៀនមួយសម្រាប់ ។
បច្ចុប្បន្នជនសង្ស័យទាំង២នាក់ខាងលើរួមនឹងវត្ថុតាងត្រូវបានកម្លាំងសមត្ថកិច្ចជំនាញរៀបចំ កសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធី៕
ដោយ៖ ឆ្លាមសមុទ្រ
