​ការប្រកួតចាញ់ក្រុមម្ចាស់ផ្ទះម្ចាស់ Norwich កាលពីយប់ថ្ងៃទី១៥ ខែមករា បានធ្វើឲ្យមានសំពាធកាន់តែខ្លាំងសម្រាប់លោក Rafael Benitez ក្នុងនាមអ្នកចាត់ការទូទៅក្រុម Everton នាពេលបច្ចុប្បន្ន។ អ្នកគាំទ្រក្រុម Everton បានស្រែកពេលចូលទស្សនាក្នុងកីឡដ្ឋានថា ឲ្យលោក Rafael Benitez ចាកចេញពីក្លិប។

ការបរាជ័យ ២ទល់១ របស់ក្រុម Eeverto មានន័យថា ពួកគេបានចាញ់៩ប្រកួតក្នុងចំណោម១២ប្រកួត នៅ Premier League កន្លងមករបស់ពួកគេ ដោយបានធ្លាក់ពីលេខ៤ ក្នុងតារាងនៅដើមខែតុលាដល់លេខ១៥។ម្ចាស់ក្លិប Everton លោក Farhad Moshiri មានជំហររឹងមាំក្នុងការគាំទ្ររបស់គាត់ចំពោះលោក Rafael Benitez ចាប់តាំងពីការតែងតាំងរបស់គាត់នៅក្នុងខែមិថុនា ប៉ុន្តែតើ​ការ​អត់ធ្មត់​របស់​គាត់​អាច​នៅ​បាន​យូរ​ប៉ុណ្ណា​ទៅ?លោក Benitez បាន​និយាយ​បន្ទាប់​ពី​ការ​បរាជ័យ​កាល​ពី​ថ្ងៃ​សៅរ៍​ថា “អ្វី​ដែល​នៅ​សល់​មិន​ស្ថិត​ក្នុង​ដៃ​របស់​ខ្ញុំ​ទេ។ ខ្ញុំមកទីនេះដើម្បីដោះស្រាយបញ្ហាដែលកើតមានតាំងពី៥ឆ្នាំមុន។ អ្វី​ដែល​ខ្ញុំ​ត្រូវ​ធ្វើ​នៅ​ពេល​នេះ​គឺ​វិភាគ​កំហុស​ដែល​យើង​កំពុង​ធ្វើ ហើយ​ធ្វើ​ឱ្យ​ប្រាកដ​ថា​យើង​ជៀស​វាង​វា​ទៅ​ថ្ងៃ​អនាគត”។ប្រហែលជាមានបញ្ហារយៈពេលវែង ប៉ុន្តែលោក Benitez ត្រូវការការកែលម្អទម្រង់លេងរបស់ក្រុមនៅក្នុងពេលអនាគតដ៏ខ្លីខាងមុខនេះ។លោក​បាន​ថ្លែង​ថា​៖ “​ខ្ញុំ​ខក​ចិត្ត​ដែល​យើង​មិន​បាន​រៀន​ យើង​បាន​ធ្វើ​កំហុស​ដូច​គ្នា​កាល​ពី​អតីតកាល ហើយ​បន្ត​ធ្វើ​កំហុស​ស្រដៀង​គ្នា​នេះ​ទៀត។ យើង​បាន​ធ្វើ​ការ​លើ​នោះ ប៉ុន្តែ​នៅ​ពេល​ដែល​យើង​នៅ​លើ​ទីលាន យើង​មាន​ការ​ព្រួយ​បារម្ភ​បន្តិច។ យើងកំពុងធ្វើរឿងបន្តិចម្តងៗ ដែលល្អសម្រាប់អនាគត នាំយកមក និងកែលម្អកីឡាករ ប៉ុន្តែការពិតគឺយើងត្រូវឈ្នះនៅលើទីលាន”។អ្នកគាំទ្រក្រុម Everton បានលើកផ្ទាំងបដាទាមទារឱ្យលោក Benitez ចាកចេញត្រូវបានគេមើលឃើញនៅចុងបញ្ចប់នៃការប្រកួត FA Cup លើក្រុម Hull កាលពីចុងសប្តាហ៍មុន ហើយវាត្រូវបានបង្ហាញទៀត បន្ទាប់ពីក្រុមនេះត្រូវបានគូប្រកួតនាំមុខរហូតដល់២គ្រាប់ក្នុងការប្រកួតតង់ទី១។ការបរាជ័យរបស់ Everton ក្រោមថ្វីជើង Norwich កាន់តែបន្ថែមសំពាធកាន់តែច្រើនចំពោះលោក Benitez និងក្រុមប្រឹក្សាភិបាល Everton ដែលបានឃើញការចាកចេញរបស់នាយកកីឡាបាល់ទាត់លោក Marcel Brands ហើយឥឡូវនេះហាក់ដូចជាមានកំហឹងខ្លាំងពេកជុំវិញក្លិប និងជាមួយអ្នកគ្រប់គ្រងដើម្បីឱ្យគាត់រក្សាការងាររបស់គាត់។

កត្តានេះអាចនឹងក្លាយជាការផ្លាស់ប្តូរ បន្ទាប់ពីលោក Benitez បានលក់ខ្សែការពារសញ្ជាតិបារាំង Lucas Digne ទៅ Aston Villa ហើយអនុញ្ញាតឱ្យគាត់ចំណាយប្រាក់២៥លានផោនដើម្បីទិញខ្សែការពារ Vitalii Mykolenkoពី Dynamo Kyiv និងកីឡាករវ័យក្មេងរបស់ Rangers Nathan Patterson ៕ (រូបភាព ៖ BBC Sport)