ខេត្តពោធិ៍សាត់៖​ អ្នកលេងកាំបិតផ្គាក់ម្នាក់ត្រូវបានសមត្ថកិច្ចឃាត់ខ្លួនក្រោយពីបុរសរូបនេះ​ កាប់ប្រហាទៅលើគូរបក្ខដិបក្ខរបស់ខ្លួនបណ្ដាលឲ្យរងរបួសធ្ងន់ដេកដួលក្នុងផ្លុកឈាម​ ខណៈមានទំនាស់ពាក្យសម្ដីគ្នានៅក្នុងវុងល្បែងសុីសងនិងផឹកស្រាបណ្តើរក្លែសម្ដីបណ្តើរ។​

ហេតុការណ៍ករណីហិង្សាមានស្ថានទម្ងន់ទោសកាប់ប្រហារគ្នាខាងលើនេះបានកើតឡើងកាលពីរសៀលទី១៨​ ខែមេសា​ ឆ្នាំ២០១៦​ ស្ថិតក្នុងភូមិស្ទឹងថ្មី​ ឃុំប្រម៉ោយ​ ស្រុកវាលវែង​ ខេត្តពោធិ៍សាត់។​

ប្រភពព័ត៌មានពីសមត្ថកិច្ចស្រុកវាលវែងបង្ហើបឲ្យដឹងថា អ្នកលេងកាំបិតផ្គាក់ឬខ្វែវជាជនសង្ស័យត្រូវបានឃាត់ខ្លួនឈ្មោះ​ សាន្ត​ សុផល​ អាយុ៣៦ឆ្នាំ​ រស់នៅភូមិ​ ឃុំកើតហេតុ​។​ ចំណែកជនរងរបួសត្រូវបានគេស្គាល់ឈ្មោះ​ តេស​ សាវឿន​ អាយុ៤១ឆ្នាំ​ រស់នៅភូមិឃុំជាមួយគ្នា។​

ប្រភពខាងលើបន្តថាការឃាត់ខ្លួនបុរសសង្ស័យអ្នកលេងកាំផ្គាក់ឬខ្វែវនេះអនុវត្តឡើងបន្ទាប់ត្រូវបានប្រជាពលរដ្ឋរាយការណ៍មកថាមានមនុស្សចាស់ទំនើងកំពុងកាប់ប្រហារគ្នា​ ដែលផ្ដើមចេញពីទំនាស់ពាក្យសម្ដីបែបនិយាយផាឬឌឺដងដាក់គ្នាទៅវិញទៅមក​ នៅក្នុងវុងលេងល្បែងសុីសង(បៀរ)បណ្ដើរផឹកស្រាបណ្ដើរ​ ធ្វើឲ្យក្ដៅស្លឹកត្រជៀកនិងតឹងសរសៃករៀងៗខ្លួនអាមួយរត់ទៅយកដាវអាមួយរត់ទៅយកកាំបិតផ្គាក់ឬខ្វែវ​ ហើយគេឃើញជនរងរបួស(តេស​ សាវឿន)រត់ទៅយកដាវមកមុនជនស្ស័យ(សាន្ត​ សុផល)រួចកាប់ប្រហារគ្នាឆេងឆាំងៗដូចចិនកាប់ដាវថតកុនហូលីហ្វូតគ្មាននរណាឃាត់ស្ដាប់ឡើយ​ ប៉ុន្តែគ្រានោះខាងតួរកាន់ដាវអន់ទាំងដាវអន់ទាំងមនុស្ស​ បណ្ដាលឲ្យដាវទន់រមូទើបអ្នកលេងកាំបិតផ្គាក់ឬខ្វែវមានឱកាសសាប់យកៗមិនដកដៃឡើយ​ ធ្វើឲ្យបក្ខដេបក្ខដេកដួលក្នុងផ្លុកឈាមបានអ្នកក្បែរខាងនាំយកទៅសង្គ្រោះនៅមណ្ឌលសុខភាពស្រុកវាលវែងភ្លាមៗផងដែរ​ ហើយអ្នកលេងកាំបិតផ្គាក់ឬខ្វែវត្រូវបានសមត្ថកិច្ចនគរបាលស្រុកវាលវែងចាប់យកមកអធិការដ្ឋាននគរបាលស្រុកភ្លាមៗដែរ។​

ប្រភពដ៏ដែលបន្តទៀតថា ក្រោពីសមត្ថកិច្ចស្រាវជ្រាវសួរនាំអំពីរឿងរាវដូច្នេះហើយជនរងរបួសក៏មានការសម្របសម្រួលមិនប្ដឹងផ្ដល់អ្វីនោះដែរ​ ដោយសុំឲ្យភាគីម្ខាងជួយចេញផ្លៃព្យាបាលរបួសចំនួន​៥០០​ ដូល្លារអាមេរិក​ ទើបសមត្ថកិច្ចសុំគោលការព្រះរាជអាជ្ញាអមសាលាដំបូងខេត្តពោធិ៍សាត់​ ដើម្បីសម្រួលគ្នាដោយមិនចង់ឲ្យនាំមានរឿងវែងឆ្ងាយចប់ត្រឹមហ្នឹងចុះ។​

ទោះបីឆុតឆាកខាងលើនេះចប់ដោយងាយៗបែបនេះក្ដី​ ក៏នៅមានមតិរិះគន់និងសុំបងប្អូនអ្នកអាន​ជួយវិភាគផងលើកឡើងស្រឌៀងៗគ្នាថា​ផ្លូវច្បាប់យ៉ាងមុិចដែរក្នុងរឿងនេះ​ ផ្ដើមចេញពីល្បែងសុីសងហើយក្លាយជាហិង្សារហូតហូរឈាមដាក់បែបនេះ?​៕

ដោយ៖ បុឹម​ ពិន