ខ្សែប្រយុទ្ធ Robert Lewandowski របស់ក្លិប Bayern Munich ឈ្នះពានរង្វាន់កីឡាករឆ្នើមប្រចាំឆ្នាំរបស់ FIFA

ចែករំលែក៖

ខ្សែប្រយុទ្ធរបស់ Bayern Munich សញ្ជាតិប៉ូឡូញ Robert Lewandowski ត្រូវបានជាប់ជាកីឡាករល្អបំផុតប្រចាំឆ្នាំរបស់ FIFA ឆ្នាំ២០២១ ខណៈដែល Cristiano Ronaldo របស់ Manchester United ទទួលបានពានរង្វាន់ពិសេស (Special Award)។Lewandowski វ័យ៣៣ឆ្នាំបានឈ្នះរង្វាន់ជាលើកទី២ជាប់ៗគ្នាបន្ទាប់ពីស៊ុតបញ្ចូលទីបាន៦៩គ្រាប់។ គាត់បានឈ្នះលើកីឡាករ Mohamed Salah របស់ Liverpool និង Lionel Messi របស់ Paris St-Germain ខណៈដែល Ronaldo ត្រូវបានគេសរសើរថា ជាកីឡាករស៊ុតបញ្ចូលទីបានច្រើនជាងគេអន្តរជាតិគ្រប់ពេលវេលា។ ចំណែកកីឡាការិនី Alexia Putellas របស់ Barcelona បានឈ្នះពានកីឡាការិនីឆ្នើមប្រចាំឆ្នាំរបស់ FIFA ។Lewandowski បានបំបែកឯតទគ្គកម្ម៤៩ឆ្នាំចុងក្រោយរបស់កីឡាករ Gerd Muller សម្រាប់ការស៊ុតបញ្ចូលទីបានច្រើនបំផុតក្នុងក្របខ័ណ្ឌ Bundesliga ក្នុងមួយឆ្នាំជាមួយនឹង៤៣ក្នុងការបង្ហាញខ្លួន៣៤លីក។គ្រូបង្វឹកក្រុមតោខៀវ Chelsea លោក Thomas Tuchel បានឈ្នះពានរង្វាន់គ្រូបង្វឹកល្អបំផុតរបស់ FIFA សម្រាប់ដឹកនាំក្រុម Chelsea ឱ្យឈ្នះពានរង្វាន់ Champions League ជាលើកទី២បន្ទាប់ពីបានចូលរួមជាមួយក្លិបកាលពីខែមករា។អតីតខ្សែបម្រើស្លាបរបស់ Tottenham គឺ Erik Lamela ដែលផ្ទេរទៅកាន់ក្លិប Sevilla នៅរដូវក្តៅ បានឈ្នះពានរង្វាន់ Fifa Puskas ដែលទទួលស្គាល់គ្រាប់បាល់ដ៏ល្អបំផុតនៅក្នុងបាល់ទាត់ពិភពលោកក្នុងឆ្នាំនេះ បន្ទាប់ពីស៊ុតបាល់បញ្ចូលទីរបស់គាត់ក្នុងការប្រកួត North London Derby ទល់នឹង Arsenal កាលពីខែមីនាឆ្នាំមុន។Edouard Mendy របស់ Chelsea បានឈ្នះពានរង្វាន់អ្នកចាំទីល្អបំផុតរបស់ FIFA បន្ទាប់ពីរដូវកាលទី១ដ៏ជោគជ័យជាមួយក្លិប រួមទាំង Clean Sheet ក្នុងជ័យជម្នះ ១-០ លើ Manchester City ក្នុងវគ្គផ្តាច់ព្រ័ត្រ Champions League ។ក្រុមជម្រើសជាតិដាណឺម៉ាក និងបុគ្គលិករបស់ពួកគេបានឈ្នះពានរង្វាន់ Best Fifa fair play សម្រាប់ការឆ្លើយតបយ៉ាងឆាប់រហ័សរបស់ពួកគេ បន្ទាប់ពីកីឡាករ Christian Eriksen បានដួលនៅលើទីលានអំឡុងពេលការប្រកួត Euro 2020 ជាមួយហ្វាំងឡង់។ ចំណែកគ្រូបង្វឹកស្រ្តីឆ្នើមបានទៅលើគ្រូបង្វឹកក្រុម Chelsea អ្នកស្រី Emma Hayes ក៏បានឈ្នះពានរង្វាន់គ្រូបង្វឹកស្ត្រីល្អបំផុតរបស់ FIFA ខណៈដែលក្រុមរបស់គាត់បានឈ្នះពានរង្វាន់ក្នុងស្រុកចំនួន៣។សម្រាប់ពានរង្វាន់កីឡាករ១១ឆ្នើមពិភពលោកផ្នែកបុរស (Men’s world XI)៖ អ្នកចាំទី Gianluigi Donnarumma (AC Milan/PSG/អ៊ីតាលី),ខ្សែការពារ David Alaba (Bayern Munich/Real Madrid/អូទ្រីស),ខ្សែការពារ Leonardo Bonucci (Juventus/អ៊ីតាលី), ខ្សែការពារ Ruben Dias (Man City/ព័រទុយហ្គាល់), ខ្សែបម្រើ Kevin de Bruyne(Man City /បែលហ្សិក), ខ្សែបម្រើ Jorginho (Chelsea/អ៊ីតាលី),ខ្សែបម្រើ N’Golo Kante (Chelsea/បារាំង), ខ្សែប្រយុទ្ធ Cristiano Ronaldo (Juventus/Man Utd/ព័រទុយហ្គាល់), ខ្សែប្រយុទ្ធ ErlingBraut Haaland (Borussia Dortmund/ន័រវេស), ខ្សែប្រយុទ្ធ Robert Lewandowski (Bayern Munich/ប៉ូឡូញ), ខ្សែប្រយុទ្ធ Lionel Messi(Barcelona/PSG/អាហ្សង់ទីន)។អ្នកទទួលបានពានរង្វាន់ផ្សេងៗប្រចាំឆ្នាំ២០២១របស់ FIFA (Best Fifaawards in full)៖