ភ្នំពេញ ៖ បុរសម្នាក់ទំនងជាស្រវឹងស្រា ខ្លាំងហើយបានបេីករថយន្តRav4 ក្នុងល្បឿនលឿនហេីយរេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរងការខូចខាតយ៉ាងដំណំ និងបង្កឱ្យមានកកស្ទះចរាចរណ៍ជាខ្លាំង កាលពីវេលាម៉ោង៧ និង១០នាទីយប់ ថ្ងៃទី១៩ ខែមករា ឆ្នាំ២០២២ ស្ថិតនៅចំណុចភ្លើងស្តុបវត្តចាក់អង្រែ តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា នៅពេលកេីតហេតុគេឃេីញរថយន្តបង្កម៉ាក Rav4 ពណ៌ទឹកប្រាក់ ពាក់ស្លាកលេខភ្នំពេញ 2AD-1347 បានធ្វេីដំណេីរតាមបណ្ដោយផ្លូវជាតិលេខ២ពីត្បូងទៅជេីងក្នុងល្បឿនលឿន ខណៈមកដល់ចំណុចភ្លើងស្តុបត្រង់កន្លែងកេីតហេតុក៏ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឱ្យរថយន្តបង្កបែកកង់ និងដាច់កាឡេកង់មុខផ្នែកខាងឆ្វេងរងការខូចខាតយ៉ាងដំណំ រីឯរបាំងថ្មបានបាក់អស់១កង់ ។ ភ្លាមៗនោះគេឃេីញបុរសម្នាក់ជាតៃកុងរថយន្តបង្កបានបេីកទ្វារចុះមកក្រៅទាំងសភាពទ្រេតទ្រោតដូចជាស្រវឹងស្រា ។
ក្រោយកេីតហេតុមួយសន្ទុះ នៅកន្លែងកេីតហេតុក៏មានការកកស្ទះចរាចរណ៍ជាខ្លាំងផងដែរ ទេីបសមត្ថកិច្ចមូលដ្ឋានចុះមកដល់ជួយសម្រួលចរាចរណ៍ និងបានប្រញាប់ធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដេីម្បីរង់ចាំម្ចាស់ចូលខ្លួនដោះស្រាយនាពេលក្រោយ ៕
ដោយ ៖ ភារ៉ា ដង្កោ
