នោះ! អាជ្ញាធរ FBI បាន​បានចេញសេចក្តីប្រកាសឱ្យមានការប្រុងប្រយ័ត្នជាមួយនឹងការប្រើប្រាស់ QR កូដ

ចែករំលែក៖

ភ្នំពេញ​៖​ បេី​យោង​តាមប្រភពព័ត៍មានពី​នាយកដ្ឋាន​ប្រឆាំង​បទល្មើស​បច្ចេកវិទ្យា​ នៃក្រសួងមហាផ្ទៃ​ នៅរសៀល​ថ្ងៃ​ព្រហស្បតិ៍​ទី​២០​ ខែមករា​ ឆ្នាំ​២០២២នេះ​ បានឱ្យដឹងថា​ QR កូដ (Quick Response) គឺជាបច្ចេកវិទ្យាដែលអាចឱ្យលោកអ្នកស្កេនរូបភាពកូដ ដើម្បីចូលទៅកាន់គេហទំព័រ ទាញយកកម្មវិធី បើកទីតាំង ឬធ្វើការផ្ទេរប្រាក់បានយ៉ាងឆាប់រហ័ស។ ការប្រើប្រាស់ QR កូដត្រូវបានកើនឡើងខ្លាំងក្នុងរយៈពេលពីរឆ្នាំចុងក្រោយ ដោយសារតែទាំងអាជីវករនិងអ្នកប្រើប្រាស់បានងាកមកប្រើបច្ចេកវិទ្យានេះដើម្បីចៀសវាងពីការប៉ះពាល់ដោយផ្ទាល់។

ទោះជាយ៉ាងណាក៏ដោយ អាជ្ញាធរ FBI សហរដ្ឋអាមេរិកបានធ្វើការផ្សព្វផ្សាយឱ្យអ្នកប្រើប្រាក់មានការប្រុងប្រយ័ត្នព្រោះជនខិលខូចកំពុងទាញយកអត្ថប្រយោជន៍ពីបច្ចេកវិទ្យានេះ ដោយប្រើ QR កូដក្លែងក្លាយដែលភ្ជាប់ទៅនឹងគេហទំព័រដែលមានមេរោគ ដើម្បីលួចទិន្នន័យផ្ទាល់ខ្លួន ដែលអាចឱ្យពួកគេប្រើព័ត៌មានទាំងនោះដើម្បីលួចផ្ទេរលុយចេញពីគណនីរបស់ជនរងគ្រោះ។ ពេលខ្លះទៀតជនខិលខូចអាចបង្កប់មកជាមួយនូវតំណភ្ជាប់ទៅគេហទំព័រក្លែងក្លាយដែលស្នើសុំឱ្យអ្នកប្រើប្រាស់វាយបញ្ចូលឈ្មោះសម្គាល់និងលេខសម្ងាត់ ដែលអាចឱ្យពួកគេលួចចូលទៅក្នុងគណនីទាំងនោះបាននៅពេលក្រោយ។

ដើម្បីសុវត្ថិភាពក្នុងការប្រើប្រាស់ឧបករណ៍បច្ចេកវិទ្យា អ្នកប្រើប្រាស់គួរតែមានការប្រុងប្រយ័ត្ននៅពេលស្កេន QR កូដណាមួយ ដោយពិនិត្យមើលអាសយដ្ឋានរបស់គេហទំព័រឱ្យបានជាក់លាក់ ព្រោះជនខិលខូចតែងតែបង្កើតឈ្មោះគេហទំព័រក្លែងក្លាយដែលស្រដៀងគ្នាទៅនិងគេហទំព័រពិតប្រាកដ។ ម្យ៉ាងវិញទៀតលោកអ្នកគួរតែចៀសវាងទាញយកកម្មវិធីតាមរយៈ QR កូដដែលលោកអ្នកទទួលបានតាមរយៈសារ ឬអុីមែល។ លោកអ្នកគួរតែធ្វើការទាញយកកម្មវិធីតែពីក្នុងកម្មវិធីផ្លូវការរបស់ក្រុមហ៊ុនមានដូចជា App Store និង Play Store ជាដើម៕

...

ដោយ​៖សហការី​

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print